ورتالىق قالالىق كلينيكالىق اۋرۋحانا دارىگەرلەرى كۇردەلى وتا جاساپ، 69 جاستاعى ناۋقاسقا قايتا ءومىر سىيلادى. وپەراسيا مىندەتتى الەۋمەتتىك مەديسينالىق ساقتاندىرۋ ەسەبىنەن جاسالدى.
وقكا باسپا ءسوز قىزمەتىنىڭ مالىمەتىنشە، پاسيەنت اۋرۋحاناعا شۇعىل تۇردە جەتكىزىلگەن. جەدەل جاردەممەن كەلگەن كەزدە نيەۆرولوگيالىق اۋىتقۋلار بايقالىپ، سول جاق اياعى مەن قولى جانسىزدانىپ، قيمىلداماي قالعان بولاتىن، دەپ حابارلايدى نەيروحيرۋرگ ەرمەك سۇلەيمەنوۆ.
كەزەكشىلىكتەگى نيەۆروپاتولوگ، نەيروحيرۋرگ، انەستيزيولوگ دارىگەرلەر بريگاداسى شۇعىل وتا جاساۋ تۋرالى شەشىم قابىلدادى. دەر كەزىندە قابىلدانعان شەشىمنىڭ ارقاسىندا ناۋقاس ءوز بەتىمەن ءجۇرىپ-تۇرۋعا مۇمكىندىك الدى.
«يشەميالىق ينسۋلت بولعاندىقتان ءقاۋىپ كۇشەيدى. وپەراسيا جاسالدى، سەلەكتيۆتى سەرەبرالدى انگيوگرافيا مەن ميدىڭ ورتاڭعى كۇرەتامىرىنداعى ۇيىعان ترومبتى الىپ تاستادىق»، – دەيدى ەرمەك سۇلەيمەنوۆ.
نەيروحيرۋرگتەردىڭ بىلىكتىلىگى ارقاسىندا ۇيىعان قان الىپ تاستالىپ، ميدىڭ ورتاڭعى كۇرەتامىرىنداعى قان اينالىمى قالپىنا كەلتىرىلدى. باس سۇيەك پەن ميداعى جۇيكە تالشىقتارى دا تولىق قالىپقا كەلدى.
ءبىر اپتادان كەيىن پاسيەنتتىڭ جانسىزدانعان اياعى مەن قولى قوزعالا باستادى. قوزعالىس كۇشى ارنايى باعان بويىنشا ءتورت بالعا جەتتى، بۇل ءوز كەزەگىندە ناۋقاستى سالدارى اۋىر بولاتىن مۇگەدەكتىكتەن ساقتايتىن كورسەتكىش دەيدى مامان.
ءمامس ارقىلى جاسالعان وتا 1 ساعات 10 مينۋتتا اياقتالدى. بۇل اۋرۋحانا ماماندارىنىڭ بىلىكتىلىگىن عانا ەمەس، سىن ساعاتتا قابىلدانعان شەشىمدەردىڭ دە تيىمدىلىگىن كورسەتسە كەرەك.