قازاقستان مەن جۇڭگو اراسىندا ءۇشىنشى تەمىرجول جەلىسى سالىنادى

تاراپتار ءتيىستى قۇجاتقا قول قويدى.

بۇگىن سيان قالاسىندا مەملەكەت باسشىسىنىڭ قاتىسۋىمەن قازاق-قىتاي ينۆەستيسيالىق دوڭگەلەك ۇستەلى ءوتتى.ينۆەستيسيالىق جيىنعا قىتايدىڭ ەڭ ءىرى كومپانيا باسشىلارى قاتىستى، دەپ حابارلايدى Almaty-akshamy.kz.

Qazaqstan.tv ارناسىنىڭ اقپاراتىنشا، ولاردىڭ ءونىمىن الەم تانيدى. مەملەكەت باسشىسى بيزنەسمەندەرگە ءبىزدىڭ ەلدىڭ ينۆەستيسيالىق مۇمكىندىكتەرىن ايتىپ بەردى. نەگىزگى 7 باعىتقا توقتالدى. ولار: ەنەرگەتيكا، ونەركاسىپ، ەلەكتروندى ساۋدا، اگروونەركاسىپ، تۋريزم، قارجى سالاسى. جيىن قورىتىندىسى بويىنشا ءبىرقاتار ىرگەلى جوبالاردى بىرلەسىپ جۇزەگە اسىرۋعا كەلىستى.

تۇرعىسىن وزەنىندە ەكىنشى جانە ءۇشىنشى سۋ ەلەكتر ستانساسىن سالۋ تۋرالى كەلىسىم جاسالدى. بۇدان بولەك، تاراپتار 1 گيگاۆاتت قۋات وندىرەتىن جەل ەلەكتر ستانساسىن سالۋ تۋرالى ۋاعدالاستى. «بۇل باستامالار قازاقستانداعى جاسىل ەنەرگەتيكانى دامىتۋعا تىڭ سەرپىن بەرەدى»، - دەدى پرەزيدەنت. سونىمەن قاتار كوپ ۇزاماي بىزدە مىس قورىتۋ زاۋىتى سالىنادى. كاسىپورىن ىسكە قوسىلسا شيكىزات ەكسپورتى ازايادى. وسىنى ەسكەرە وتىرىپ، پرەزيدەنت ەلدە وندىرىلەتىن مىس كونسەنتراتىن تۇگەلدەي ءوزىمىز وڭدەيمىز دەدى. سونىمەن قاتار قازاقستانداعى جۇڭگو اۆتوكولىكتەرىن قۇراستىرۋ كولەمى ارتادى.

سالاداعى ىنتىماقتاستىقتى جاڭا دەڭگەيگە كوتەرۋ ءۇشىن دە تاراپتار كەلىسىم جاساستى. جالپى، قاسىم-جومارت توقايەۆتىڭ قىتايعا مەملەكەتتىك ساپارى اياسىندا قۇنى 22 ميلليارد دوللار بولاتىن 47 قۇجاتقا قول قويىلدى.