بيىل قازاق دالاسىنان شىققان كورنەكتى عۇلاما عالىم حۋسامۋددين ءاس-سىعناقيدىڭ تۋعانىنا - 800 جىل.
وسىعان وراي الماتىدا حالىقارالىق عىلىمي-تاجىريبەلىك كونفەرەنسيا ءوتىپ، الىس-جاقىن شەتەلدەردەن عالىمدار قاتىستى. عۇلاما يسلام ءدىنىنىڭ كوركەيۋۋىنە، جان-جاقتى زەرتتەلۋىنە مول ەڭبەك سىڭىرگەن قايراتكەر. يسلام عىلىمى مەن ءبىلىمىنىڭ دامۋىنا ۇلەس قوسقان. شارادا ءسوز العاندار عۇلاما جايلى تىڭ دەرەكتەرىمەن ءبولىستى. «بابامىزدىڭ بىزگە قالدىرعان مۇراسى ءالى كۇنگە دەيىن ءدىن، عىلىم سالاسىندا ءوزىنىڭ وزەكتىلىگىن جويعان جوق»، - دەيدى قاتىسۋشىلار.
«ۇلى تۇلعالاردىڭ تانىلۋى، كەزىندەگى ءبىزدىڭ قاسيەتتى جەرىمىزدە قالىپتاسقان، ناسيحاتتالعان يسلام ءدىنىنىڭ قۇندىلىقتارىن زەرتتەۋ ارقىلى قازىرگى تاڭدا بولىپ جاتقان ءارتۇرلى ءدىني تەرىس اعىمداردىڭ الدىن الۋ جانە تەرىس اعىمدارعا تۇسكەندەردى وڭالتۋ جۇمىسىنا وتە قاجەت بولادى دەپ ەسەپتەيمىز»، - دەيدى قمبد ءتوراعاسى ناۋرىزباي تاعان ۇلى.