كەشەندە تەننيس، ساداق اتۋ زالى جانە فۋتبول، ۆولەيبول ويناۋ الاڭى بار.
بۇگىن الماتى قالاسىنداعى نۇر-مۇباراك ۋنيۆەرسيتەتىندە سالىنعان سپورت كەشەنىنىڭ اشىلۋ ءراسىمى ءوتتى، دەپ حابارلايدى Almaty-akshamy.kz
قمدب باسپا ءسوز قىزمەتىنىڭ مالىمەتىنشە، يگى ءىس-شاراعا قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى قاتىسىپ، يگى تىلەگىن جەتكىزدى.
«ءبىز شاكىرتتەرىمىزدىڭ رۋحاني الەمىن بايىتۋمەن قاتار ولاردىڭ ءتان ساۋلىعىنا دا كوڭىل ءبولىپ كەلەمىز. حالقىمىز: «ءتانى ساۋدىڭ – جانى ساۋ» دەپ تەككە ايتپاعان. دەنساۋلىق – بىزگە بەرىلگەن امانات. سپورت – دەنساۋلىق كەپىلى. وسى سپورت كەشەنىندە ۇيىمداستىرىلاتىن ءىس-شارالار ستۋدەنتتەر اراسىندا سالاۋاتتى ءومىر سالتىن ناسيحاتتاۋعا سەرپىن بەرەدى دەپ سەنەمىن. ساۋاپتى ىسكە ۇلەس قوسقان بارشا ازاماتتارعا اللا رازى بولسىن!» دەدى ناۋرىزباي قاجى تاعان ۇلى.