جول ءجۇرۋ قاعيدالارىن بۇزۋشىلاردى انىقتاۋ جۇيەسى - جىلدىڭ ەڭ ۇزدىك جوبالارىنىڭ ءبىرى

ەلوردادا “Qazaqstan Project Management Awards – 2023” ۇلتتىق بايقاۋىنىڭ قورىتىندىسى شىعارىلدى.

جول ءجۇرىسى قاعيدالارىن بۇزۋشىلاردى اۆتوماتتى تۇردە انىقتايتىن “قورعاۋ” جۇيەسى جىلدىڭ ەڭ ۇزدىك جوبالارىنىڭ ءبىرى بولىپ تانىلدى. پوليسيا ۆەدومستۆوسى سايىستىڭ كۇمىس جۇلدەگەرى اتاندى، دەپ حابارلايدى Almaty-akshamy.kz.

ءىىم اقپاراتىنا ساي، ينتەللەكتۋالدى باعدارلاما Sergek Group كومپانياسىنىڭ ماماندارىمەن بىرگە ازىرلەنگەن.

«جوبا جول قوزعالىسى قاۋىپسىزدىگىن قامتاماسىز ەتۋگە ارنالعان. ول قولدا بار رەسۋرستار شەڭبەرىندە قىسقا مەرزىمدە ازىرلەندى. سوندىقتان ساپانى ارتتىرۋ، ماقساتقا جەتۋ ءۇشىن ءبىز جوبالىق باسقارۋدى قولدانىپ، بۇگىنگى ناتيجەگە جەتتىك. بىرىنشىدەن، اپاتتىق كورسەتكىشتەر تومەندەدى، ەكىنشىدەن، ءبىز پاترۋلدىك پوليسەيلەرگە جول ءجۇرىسى قاعيدالارىن بۇزۋشىلاردى تەز ارادا انىقتاپ، ولارعا قاتىستى شارا قولدانۋعا مۇمكىندىك بەرەتىن سيفرلىق قۇرال جاسادىق»، – دەدى ءىىم اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆ.

باعدارلاما جۇرگىزۋشىلەر ءتارتىبىن ارتتىرۋعا ىقپال ەتىپ قانا قويماي، سونىمەن قاتار جول-كولىك وقيعالارىنىڭ الدىن الۋعا كومەكتەسەدى.