قازاقستاندىقتار ۇشار الدىندا ءوزىن-وزى وقشاۋلاۋدا 10 كۇن وتكىزىپ، ەكى زەرتحاناعا ەكى پتر-تەست تاپسىرۋعا ءتيىس
قازاقستان مەن جۇڭگو 1 شىلدەدەن باستاپ تىكەلەي اۋە قاتىناسىن جانداندىرادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قازاقستان كوروناۆيرۋستىڭ ەل اۋماعىندا تارالۋىنا جول بەرمەۋ ماقساتىندا 2020 جىلدىڭ اقپانىندا قىتايمەن تۇراقتى جولاۋشىلار اۆياتاسىمالىن توقتاتتى.
"جۇڭگو مەن قازاقستان اراسىنداعى ءتيىستى كەلىسىمگە سايكەس، 1 شىلدەدە ەكى ەل اراسىنداعى تىكەلەي كوممەرسيالىق رەيستەر قايتا جانداندى"، - دەلىنگەن قحر-دىڭ نۇر-سۇلتانداعى ەلشىلىگى تاراتقان مالىمەتتە.
قازاقستاننان قىتايعا باراتىن جولاۋشىلارعا ءبىرقاتار راسىمنەن ءوتۋ قاجەت ەكەنى تۇسىندىرىلگەن. ولار ۇشۋ الدىندا وقشاۋلانۋعا 10 كۇن جۇمساۋى كەرەك، دەنساۋلىعىن ءوز بەتىنشە باقىلاپ، ءتيىستى كەپىلدىك حاتقا قول قويۋى كەرەك.