مۇندا 100-دەن استام جابايى قابان مەكەندەيدى
الماتى وبلىسىنداعى «التىن-ەمەل» ۇلتتىق پاركىندە جابايى قابان تورايلارىمەن بىرگە فوتوتۇزاققا ءتۇسىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى اقپارات «التىن – ەمەل» تابيعي پاركىنىڭ Instagram-داعى پاراقشاسىندا جاريالاندى.
«قىستان امان شىققان تورايلار «التىن-ەمەل» ۇلتتىق پاركىندە سەرۋەنگە شىققان. ۆيدەودان ولاردىڭ بۇلاققا سۋ ءىشۋ ءۇشىن ەمەس، باتپاققا اۋناۋ ءۇشىن كەلگەنى كورىنىپ تۇر. سەبەبى، ولار وسىلايشا كەنەلەردەن قورعانادى»، - دەلىنگەن الەۋمەتتىك جەلىدەگى پاراقشادا.
ۇلتتىق پاركتىڭ مالىمەتىنشە، مۇندا 100-دەن استام جابايى قابان مەكەندەيدى. سونداي-اق، قابانداردىڭ كۇنىنە ورتا ەسەپپەن 4-5 مىڭ كالوريا ازىق جەپ، تاماقتىڭ ءيىسىن بەس شاقىرىمنان استام قاشىقتىقتان سەزەتىنى جازىلعان.
بۇعان دەيىن ءىلبىستىڭ «التىن-ەمەل» ۇلتتىق پاركىندە تۇسىرىلگەن سيرەك كەزدەسەتىن سۋرەتتەرى جەلىدە جاريالانعانىن حابارلاعان بولاتىنبىز.