قازاقستان مەن قىرعىزستان ءوزارا تاۋار اينالىمىن 2 ملرد دوللارعا جەتكىزۋدى جوسپارلاپ وتىر.
ءوزارا ساۋدانى ۇلعايتۋ ءۇشىن تاراپتار 190 پوزيسيا بويىنشا تاۋار نومەنكلاتۋراسىن كەڭەيتۋگە، سونداي-اق «قاراسۋ-اقتىلەك» وتكىزۋ پۋنكتى اۋدانىندا يندۋستريالىق ساۋدا-لوگيستيكالىق كەشەندەر قۇرۋ جونىندەگى جوبانى ىسكە اسىرۋدى تەزدەتۋگە نيەتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
سونىمەن قاتار، ترانزيت جانە كولىك، سۋ-ەنەرگەتيكالىق تەڭگەرىم جانە ينۆەستيسيا سالالارىنداعى ىنتىماقتاستىقتى تەرەڭدەتۋگە دايىن.
«ءبىز ينۆەستيسيالىق جانە ساۋدا ساياساتىن جەتىلدىرۋ بويىنشا جۇمىستى جالعاستىرۋدامىز. بيزنەستى جۇرگىزۋ جانە كاسىپكەرلەر مەن ينۆەستورلاردىڭ قۇقىقتارىن قورعاۋدى قامتاماسىز ەتۋ ءۇشىن قولايلى جاعداي جاسالۋدا»، - دەيدى قىرعىزستاننىڭ قازاقستانداعى ەلشىسى داستان دۇيشەكەيەۆ.