قالا تۇرعىندارىنىڭ كوپتەگەن سۇرانىسىنا وراي 19 ساۋىردەن باستاپ №59 مارشرۋتقا 14 جاڭا اۆتوبۋس شىعارىلادى.
بۇعان دەيىن جولدا جۇرگەن توعىز مەترلىك اۆتوبۋستاردىڭ ورنىنا ەندى ون ەكى مەترلىك جاڭا اۆتوبۋستار قىزمەت كورسەتەتىن بولادى. بوساعان اۆتوبۋستار تانىمال ءارى جۇكتەمەسى جوعارى وزگە مارشرۋتتارعا جىبەرىلەدى، دەپ حابارلايدى Almaty-akshamy.kz
ءبىرىنشى جارتىجىلدىقتىڭ سوڭىنا دەيىن بارلىعى 300 اۆتوبۋستىڭ جەتكىزىلۋى جوسپارلانعان. ولاردىڭ بارلىعى تەحنيكالىق دايىندىعىنا قاراي كەزەڭ-كەزەڭمەن مارشرۋتتارعا شىعارىلاتىن بولادى.
قازىرگى كەزدە اكىمدىك قالاداعى ەكولوگيالىق جاعدايدى جاقسارتۋعا باسىمدىق بەرىپ وتىر. بۇل باعىتتا ەكولوگيالىق تازا كولىكتەردى كوبەيتىپ، حالىقتىڭ ءومىرى مەن دەنساۋلىعى ءۇشىن جايلى ورتا جاسالىپ، اۆتوبۋستاردىڭ جۇكتەمەسىن ازايتىپ، جولاۋشىلار اعىمىن ارتتىرۋعا باعىتتالعان جۇمىستار جۇرگىزىلىپ جاتىر.