ەكى ەل ديپلوماتيالىق قاتىناس ورناعانىنا 30 جىل تولۋىن اتاپ وتەدى
15 قازاندا قازاقستان مەن قىرعىزستان اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىل 15 قازاندا قازاقستان رەسپۋبليكاسى مەن قىرعىز رەسپۋبليكاسى ديپلوماتيالىق قاتىناس ورناعانىنا 30 جىل تولۋىن اتاپ وتەدى. وسى 30 جىلدا ءبىزدىڭ ەلدەرىمىز اراسىندا 160-تان استام قۇجاتقا قول قويىلدى، ونىڭ ىشىندەگى ەڭ ماڭىزدىسى – 1994 جىلعى 8 ساۋىردەگى ماڭگىلىك دوستىق تۋرالى شارت جانە 2003 جىلعى 25 جەلتوقسانداعى وداقتاستىق قاتىناس تۋرالى شارت»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتە وتكەن بريفينگتە.
رەسمي وكىلدىڭ ايتۋىنشا، ەكىجاقتى بايلانىستىڭ جاي-كۇيى مەن پەرسپەكتيۆالارى ەكى ەلدىڭ مەملەكەت باسشىلارى، ۇكىمەتتەرى مەن سىرتقى ساياسي ۆەدومستۆولارى دەڭگەيىندە ۇنەمى تالقىلانادى.
«ءبىزدىڭ ەلدەرىمىز كوپتەگەن حالىقارالىق ۇيىمدار شەڭبەرىندە تىعىز ءوزارا ءىس-قيمىل جاسايدى. قىرعىزستان ءبىز ءۇشىن ايماقتاعى نەگىزگى ساياسي جانە ەكونوميكالىق سەرىكتەستەردىڭ ءبىرى. قازاقستان ءوزارا ءىس-قيمىلدىڭ بارلىق اسپەكتىلەرى بويىنشا قىرعىز رەسپۋبليكاسىمەن كوپجوسپارلى ىنتىماقتاستىقتى ودان ءارى تەرەڭدەتۋگە ۇمتىلادى»، - دەدى ا. سمادياروۆ.