ساپا مەن سىندى كۇشەيتۋ يمپورتقا تاۋەلدىلىكتى ازايتپاق
الماتىداعى ازىق-تۇلىك قاۋىپسىزدىگىنىڭ الەۋەتى ارتادى. مەگاپوليستەن بولەك، جاقىن وڭىرلەردى دە كوكونىس، جەمىس-جيدەكپەن قامتىپ وتىرعان بازارداعى جابايى ساۋدانىڭ كوزى جويىلىپ، جابىق پاۆيلوندارعا اۋىسىپ جاتىر. بۇل ءبىرىنشى كەزەكتە تۇتىنۋشىلارعا ىڭعايلى، ەكىنشىدەن ىشىپ-جەمنىڭ ساپاسى ارتادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
دالادا تاۋارىن ساتىپ، ءناپاقاسىن تاۋىپ جۇرگەن كاسىپكەرلەر جابىق پاۆيلونعا كوشكەنگە ءدان ريزا. بولشەكتەن بولەك، كوتەرمە ساۋدامەن دە اينالىساتىن ولار، ەندىگىدە تاۋار ساپاسىن ساقتاۋ دا الدەقايدا جەڭىل بولادى دەپ ءماز. كۇننىڭ سۋىعىندا توڭىپ، شاڭ-توزاڭ شامبايىمىزعا تيمەيتىن بولدى، - دەيدى كوپشىلىك.
«ءبىز وسىعان دەيىن بازاردىڭ سىرتىڭدا جۇمىس ىستەدىك. ءقازىر مىنە جاڭا پاۆيلون سالىپ بەرگەندەرىنە قۋانىشتىمىز»، – دەدى ساۋداگەر باتىرحان بوتابايەۆ.
«بۇرىن سىرتقى بازاردا تۇرعانبىز.بىزدە زاتتار ارزان. ارنايى قويمامىز بار. سودان الىپ، ساتامىز»، – دەدى ساۋدگەر بىرلىك قاستەر.
سىرتتاعى ساۋدا ورىندارىن ارنايى پاۆيلونعا كىرگىزۋ ساۋداگەرلەردەن بولەك، بازار باسشىلىعىنا دا ءتيىمدى. ويتكەنى، كوپكە ارناپ قولايلى ورىن سالۋ – كاسىپكەرلەرلىكتى جۇيەلى جۇرگىزۋگە سەپتىگىن تيگىزەدى ءارى جاڭا جۇمىس ورىندارىنىڭ اشىلۋىنا جاعداي جاسايدى. مۇنداي تاجىريبە الماتىداعى ساۋدا ورىندارىندا دا ىسكە قوسىلعان بولاتىن.
«سىرتىندا تۇرعانداردىڭ ءبارى وسى جەرگە كەلەتىن بولادى. سىيماعانىنا ءۇشىنشى پاۆيلون سالىنادى»، – دەدى «التىن وردا» ساۋدا-لوگيستيكالىق ورتالىعىنىڭ اتقارۋشى ديرەكتورى ەرمەك مارقابايەۆ.
اتالعان جۇمىس ناتيجەسىندە ساۋدا ورنى 1000-عا جۋىق ادامدى جۇمىسپەن قامتىپ وتىر. ولار ءۇشىن ازىق-تۇلىك قاۋىپسىزدىگى اسا ماڭىزدى دەيدى بازار باسشىلىعى. ويتكەنى، دەلدالدىقتى جويۋ ارقىلى باعانى تۇراقتاندىرۋدا ءقازىر وزەكتى ماسەلەگە اينالعان. ال، ساپا مەن سىندى كۇشەيتۋ يمپورتقا تاۋەلدىلىكتى ازايتپاق.