«قالقان-2023» بىرلەسكەن تاكتيكالىق-ارنايى وقۋ-جاتتىعۋى وتەدى
اتالعان كەزدەسۋ تاشكەنتتە قازاقستاندىق اسكەري دەلەگاسيانىڭ وزبەكستانعا رەسمي ساپارى اياسىندا ءوتتى، دەپ حابارلايدى Almaty-akshamy.kz.
قازاقستاننىڭ قورعانىس ۆەدومستۆوسىنىڭ باسشىسى، گەنەرال-پولكوۆنيك رۋسلان جاقسىلىقوۆ پەن وزبەكستاننىڭ قورعانىس ءمينيسترى، گەنەرال-لەيتەنانت باحودير قۇربانوۆ جاۋىنگەرلىك جانە كادرلىق دايارلىق سالاسىنداعى ەكىجاقتى ىنتىماقتاستىق ماسەلەلەرىن تالقىلادى.
قازاقستان قورعانىس ءمينيسترى مەملەكەتتەر اراسىنداعى دوستىق قارىم-قاتىناس پەن اسكەري سالاداعى ءوزارا ءىس-قيمىلدى نىعايتۋ ىنتىماقتاستىقتى ودان ءارى دامىتاتىنىن اتاپ ءوتتى.
ساپار اياسىندا گەنەرال-پولكوۆنيك رۋسلان جاقسىلىقوۆ ارىپتەسىمەن بىرگە ەكى ەلدىڭ اسكەري قىزمەتشىلەرى جۇمىلدىرىلعان «قالقان-2023» بىرلەسكەن تاكتيكالىق-ارنايى وقۋ-جاتتىعۋىنىڭ بەلسەندى كەزەڭىن باقىلايدى، ودان وزگە وزبەكستان قارۋلى كۇشتەرى اكادەمياسىنىڭ قىزمەتىمەن تانىساتىن بولادى.