بايقاۋدىڭ ماقساتى - قارتتاردى قوعامدىق ءىس-شارالارعا تارتۋ، جاستاردىڭ نازارىن اعا بۋىنعا اۋدارۋ، اجەلەردىڭ كوڭىلدىلىگىن كورسەتۋ، وتباسىلىق داستۇرلەردى نىعايتۋ.
بايقاۋعا اجەلەردىڭ بالالارى مەن نەمەرەلەرى دە قاتىسادى، دەپ حابارلايدى Almaty-akshamy.kz.
شىعارماشىلىق بايقاۋ نەمەرەلەرى بار 61 جاستان اسقان ايەلدەر اراسىندا وتەدى. قاتىسۋشىلار «ۆيزيت كارتوچكالارى»، «اسپازدىق شەبەرلىك»، «تاپقىرلىق»، «دەفيلە»، «بي»، «ۆوكالدىق نومىرلەر» جانە ت. ب. سايىستارعا قاتىسادى.
بۇعان دەيىن بايقاۋ الماتى اۋداندارىندا، بەلسەندى ۇزاق ءومىر ءسۇرۋدىڭ بارلىق ورتالىقتارىندا وتكەن بولاتىن. قورىتىندىسى بويىنشا، قالالىق كونكۋرسقا قاتىساتىن 12 فيناليست انىقتالدى. ءادىل قازىلار القاسى مادەنيەت پەن ونەر سالاسىنداعى تاۋەلسىز ساراپشىلاردان قۇرالعان. ءار فيناليسكە ارنايى نوميناسيا بەرىلەدى.
ۇيىمداستىرۋشىلار الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن الماتى قالاسىنىڭ بەلسەندى ۇزاق ءومىر ورتالىعى مەن «قازاقستان كومپوزيتورلار قاۋىمداستىعى» قب بولادى.
بايقاۋ 19 مامىر كۇنى ساعات 15:00-دە وتەدى.