بۇل وتكەن جىلدىڭ سايكەس كەزەڭىندەگى كورسەتكىشتەن 27%-عا جوعارى
4 مامىردا قازاقستان پرەمەر-مينيسترى ءاليحان سمايىلوۆ وزبەكستان ۇكىمەتىنىڭ باسشىسى ابدۋللا اريپوۆپەن تەلەفون ارقىلى سويلەستى، دەپ حابارلايدى Almaty-akshamy.kz.
اڭگىمەلەسۋ بارىسىندا تاراپتار ەكىجاقتى قارىم-قاتىناستى تەرەڭدەتۋدىڭ، ونىڭ ىشىندە ءوزارا ساۋدا كولەمىن ارتتىرۋدىڭ، ونەركاسىپتىك كووپەراسيا مەن سۋ شارۋاشىلىعى سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى، دەلىنگەن ۇكىمەت باسشىسىنىڭ Telegram ارناسىندا.
ءاليحان سمايىلوۆ وسى جىلدىڭ ءبىرىنشى توقسانىنىڭ قورىتىندىسى بويىنشا ەكى ەل اراسىنداعى تاۋار اينالىمى $1 ملرد اسقانىن، بۇل وتكەن جىلدىڭ سايكەس كەزەڭىندەگى كورسەتكىشتەن 27%-عا جوعارى ەكەنىن اتاپ ءوتتى.
سونداي-اق تاراپتار «ورتالىق ازيا» حالىقارالىق ونەركاسىپتىك كووپەراسيا ورتالىعىن ىسكە قوسۋ سەكىلدى بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىن قارادى.