قازاق كۇرىش عىلىمي-زەرتتەۋ ينستيتۋتىندا Sumitomo كومپانياسىنىڭ وكىلدەرىمەن كەزدەسۋ ءوتتى.
وندا ينستيتۋت عالىمدارى — كامالدين شەرماعامبەتوۆ، گۇلسىم بايمبەتوۆا جانە ايدوس جالبىروۆ — كۇرىش القاپتارىندا جاڭا جاپون گەربيسيدى NC-656-نى سىناۋ بارىسى مەن قازىرگى ناتيجەلەردى تالقىلادى، دەپ حابارلايدى aqshamnews.kz.
سونداي-اق، الداعى جوسپارلار مەن جاڭا تاجىريبە الاڭدارىن ۇيىمداستىرۋ جايى قاراستىرىلدى.
كەزدەسۋدە جاپوندىق پرەپاراتتاردى قانت قىزىلشاسى مەن جازدىق ارپادا قولدانۋ مۇمكىندىگى دە قارالدى.
تاراپتار اگروتەحنولوگيالار باعىتىندا ارىپتەستىكتى جالعاستىرىپ، ورتاق جوبالاردى جۇزەگە اسىرۋعا قىزىعۋشىلىق ءبىلدىردى.
وسىنداي ىنتىماقتاستىق قازاقستان اۋىل شارۋاشىلىعىنا جاڭا شەشىمدەردى ەنگىزۋگە جول اشادى.