الماتىدا جىل باسىنان بەرى ءبىرىڭعاي بەينەباقىلاۋ جۇيەسى قوعامدىق قاۋىپسىزدىكتى قامتاماسىز ەتۋدە جانە ءارتۇرلى اۋىرلىقتاعى قىلمىستاردى اشۋدا جوعارى تيىمدىلىگىن كورسەتتى، دەپ حابارلايدى aqshamnews.kz.
ءۇش ايداعى جۇمىستىڭ قورىتىندىسىن شىعارعان الماتى قالالىق پوليسيا دەپارتامەنتى، ءبىرىڭعاي بەينەباقىلاۋ جۇيەسىنە بىرىكتىرىلگەن سيفرلىق شەشىمدەر مەن جاساندى ينتەللەكت تەحنولوگيالارىنىڭ نەگىزگى ءرولىن اتاپ ءوتتى. بەينە اناليتيكا، كامەرا ارالىق باقىلاۋ، بەت پەن ءنومىردى تانۋ مودۋلدەرى وقىس وقيعالارعا دەن قويۋ جىلدامدىعىن ايتارلىقتاي ارتتىردى، كۇدىكتىلەردى ىزدەۋ ۋاقىتىن قىسقارتتى جانە دالەلدەمەلىك بازانى نىعايتتى. يننوۆاسيالىق تەحنولوگيالاردى ەنگىزۋدىڭ ارقاسىندا ىزدەۋدە جۇرگەن ادامداردى انىقتاۋدى ايتارلىقتاي جىلدامداتۋعا، قۇقىق بۇزۋشىلاردىڭ ءجۇرۋ جولدارىن ءتيىمدى قالپىنا كەلتىرۋگە جانە زاڭسىز ارەكەتتەرگە جەدەل توسقاۋىل قويۋعا مۇمكىندىك تۋدى.
- بەينەباقىلاۋ جۇيەسى ءبىرقاتار قىلمىستاردى، سونىڭ ىشىندە ۇرلىق، كولىك ۇرلاۋ جانە دەنەگە اۋىر زيان كەلتىرۋ دەرەكتەرىن ءتيىمدى اشۋعا مۇمكىندىك بەردى. بۇل، ارينە، قوعامدىق قاۋىپسىزدىكتى قامتاماسىز ەتۋدە قۇقىق قورعاۋ ورگاندارىن سيفرلاندىرۋدىڭ قانشالىقتى ماڭىزدى ەكەنىن كورسەتەدى، - دەدى الماتى قالاسى پد جەدەل باسقارۋ ورتالىعى باستىعىنىڭ ورىنباسارى رۇستەم قاپانوۆ.