فيلم «كىشكەنتاي سامۋراي» دەپ اتالادى.
قازىرگى تاڭدا فيلم ەلىمىزدىڭ بالقاش كولىنىڭ ماڭىندا ءتۇسىرىلىپ جاتىر، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
كۇزدە ءتۇسىرىلىم جاپونيادا جالعاسىن تابادى.
ءفيلمنىڭ سەناريسى جانە رەجيسسەرلەرىنىڭ ءبىرى - جاپونيالىق پروديۋسەر سانو سيندزيۋ. ەكىنشى رەجيسسەر - قازاقستاندىق ەرلان نۇرمۇحانبەتوۆ.
نەگىزگى رولدەردى سامال ەسلياموۆا مەن دارەجان ومىربايەۆ، سونداي-اق قىرعىزستاندىق كينورەجيسسەر ارىم كۋبات وينايدى. فيلم كەڭەس-جاپون سوعىسى كەزىندە اكەسىن ساحالينگە ىزدەپ كەلىپ، ءبىراق ءوزى تۇتقىنعا ءتۇسىپ، قازاقستانعا جەر اۋدارىلعان جاپون بالانىڭ وقيعاسى تۋرالى باياندايدى. ونى ىبىراي ەسىمدى قازاق بالىقشى اسىراپ العان.