سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ ءيزرايلدىڭ Dan Capital ينۆەستيسيالىق كومپانياسىنىڭ باسقارما ءتوراعاسى شيمون بەن حامومەن كەزدەستى.
تاراپتار قازاقستاندا گيدروتەحنيكالىق قۇرىلىستاردى سالۋ جانە رەكونسترۋكسيالاۋ بويىنشا بىرلەسكەن جوبالاردى ىسكە اسىرۋدى تالقىلادى، دەپ حابارلايدى aqshamnews.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
بۇگىنگى تاڭدا يزرايلدىك ينجەنەرلەر 4 سۋ قويماسىن قاراپ، ولاردى رەكونسترۋكسيالاۋ بويىنشا ۇسىنىس بەردى.
تاراپتار جامبىل وبلىسىنداعى ىنتىماق سۋ قويماسىن جاڭعىرتۋ جانە ونىڭ كولەمىن ۇلعايتۋ ماسەلەلەرىن تالقىلادى. سونداي-اق، مينيستر زاماناۋي سۋ ۇنەمدەۋ تەحنولوگيالارىن ەنگىزە وتىرىپ، سارىسۋ اۋدانىنىڭ يرريگاسيالىق كانالدارىن جاڭعىرتۋدى ۇسىندى.
يزرايل ينۆەستورلارى قازاقستاندىق كومپانيالارمەن بىرلەسكەن جوبانى جۇزەگە اسىرۋعا دايىن ەكەندىكتەرىن ءبىلدىردى. سونداي-اق، شەتەلدىك دەلەگاسيا يزرايلدە «قازسۋشار» ماماندارى ءۇشىن بىلىكتىلىك ارتتىرۋ كۋرستارىن ۇيىمداستىرۋدى ۇسىندى.
«بۇدان ءارى تالقىلاۋ بىرلەسكەن جۇمىس توبى اياسىندا جالعاسادى. ەكى جاقتىڭ ساراپشىلارى جوبانىڭ تەحنيكالىق قۇرامداس بولىگىن قاراستىرادى. سونداي – اق، جۇمىس توبى ءبىزدىڭ مامانداردىڭ بىلىكتىلىگىن ارتتىرۋ كۋرستارىنىڭ باعىتى مەن تاقىرىبىن انىقتايدى»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.