تەرگەۋ امالدارى باستالدى.
الماتىداعى ۇيلەردىڭ بىرىنەن ەسىرتكى جىلىجايى تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ول جەردە قالاداعى مەدەۋ اۋدانىنىڭ 74 جاستاعى تۇرعىنى يەلىك ەتكەن.
«تەكسەرۋ بارىسىندا ەسىرتكىنى جىلىجايدا ءوسىرۋ دەرەگى انىقتالدى. قاراسوراعا ۇقسايتىن وسىمدىگى بار قۇمىرالار تابىلدى. شىنايى تيەسىلىگىن سوت-حيميالىق ساراپتاما انىقتايدى»، – دەدى مەدەۋ اۋداندىق پب-نىڭ باستىعى داۋرەن وتەبايەۆ.
قارت كىسى «شوپكە» وسىدان ون بەس جىل بۇرىن اۋەستەنىپ قالعانىن، سوندىقتان ونى وزىنشە وسىرۋگە بەل بۋعانىن ايتتى. سونىمەن قاتار، شاعىن جىلىجاي وتە ءساتتى ساتىپ الىندى: ءبىر بۇتا گۇلدەدى جانە كەپتىرۋ ءۇشىن كەسىلدى. قۇرامىندا وسىرۋگە تىيىم سالىنعان ەسىرتكى زاتتارى بار وسىمدىكتەردى زاڭسىز ءوسىرۋ دەرەگى بويىنشا سوتقا دەيىنگى تەرگەۋ امالدارى باستالدى.