قازاقستان مەن گەرمانيا پرەزيدەنتتەرى كەلىسسوز جۇرگىزدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
پرەزيدەنتتەر قازاق-گەرمان ستراتەگيالىق سەرىكتەستىگىنىڭ جاي-كۇيى مەن دامۋ پەرسپەكتيۆالارىن تالقىلادى. ساياسي ديالوگتى نىعايتۋعا، ساۋدا، ەكونوميكا، ينۆەستيسيا، ەنەرگەتيكا، كولىك جانە لوگيستيكا سالالارىنداعى ىنتىماقتاستىقتى تەرەڭدەتۋگە ەرەكشە نازار اۋدارىلدى.
سونداي-اق ترانسكاسپيي حالىقارالىق كولىك باعىتىن دامىتۋ اياسىندا ءوزارا ىس-ارەكەتتى جانداندىرۋ، مۇناي جانە گاز، جاسىل ەنەرگەتيكا، ونەركاسىپ سالالارىنداعى ءوزارا ءتيىمدى ىنتىماقتاستىقتى كەڭەيتۋ ماڭىزدى ەكەنى اتاپ ءوتىلدى.
قاسىم-جومارت توقايەۆ پەن فرانك-ۆالتەر شتاينمايەر حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
تەت-ا-تەت فورماتىنداعى كەلىسسوزدەر دوستىق رۋحىندا ءوتتى جانە كونسترۋكتيۆتى ءارى مازمۇندى بولدى. ەكىجاقتى ەكونوميكالىق كۇن ءتارتىبىنىڭ ءبىرقاتار باعىتى بويىنشا ىنتىماقتاستىقتى ارتتىرۋ تۋرالى ۋاعدالاستىققا قول جەتكىزىلدى.