اۋىلداعى ۆولونتەرلىك ۇيىمدارعا 1 ملن تەڭگەلىك گرانتتار بەرىلمەك ،دەپ حابارلايدى Almaty-akshamy.kz.
استاناداعى بەيبىتشىلىك جانە كەلىسىم سارايىندا ءوتىپ جاتقان حالىقارالىق ۆولونتەرلەر فورۋمىنىڭ كۋلۋارىندا اقپارات جانە قوعامدىق دامۋ ۆيسە-مينيسترى دانيار ءقادىروۆ وسىنداي مالىمەت ايتتى، دەپ جازدى قازاقپارات.
«بىلتىر 4 شىلدەدە مەملەكەت باسشىسى قاسىم-جومارت توقايەۆ «ۆولونتەرلىك قىزمەت تۋرالى» زاڭعا قول قويدى. ول زاڭدا ۆولونتەرلىك قىزمەتتىڭ جۇمىسىنا قولايلى جاعداي جاساۋ شارالارى قاراستىرىلعان. ەرىكتىلەردىڭ وقۋعا، جۇمىسقا ءتۇسۋى كەزىندە باسىمدىقتار بولادى. سونىمەن بىرگە، ءقازىر ۆولونتەرلىك ۇيىمدارعا نەگىزىنەن جينالعان جۇكتى ساقتايتىن قويمالار كەرەك. سول قويمالاردى جەرگىلىكتى ورگاندار تومەن باعامەن نەمەسە تەگىن بەرەتىندەي زاڭدى تەتىكتەر كوزدەلگەن»، - دەدى ۆيسە-مينيستر.
ونىڭ سوزىنشە، 2023 جىلى ۆولونتەرلىك ۇيىمداردى قولداۋ ءۇشىن 54 جوبا قولعا الىنعان.
«سونىڭ ىشىندە 250 شاعىن گرانت بەرىلەدى. ءار گرانتتىڭ سوماسى 1 ميلليون تەڭگەدەي بولادى. ەكى جىلعا دەيىنگى مەرزىممەن بەرىلەدى. ول گرانتتاردىڭ كوبى اۋىلدى جەردە ۆولونتەرلىك ۇيىمداردى قولداۋعا باعىتتالىپ جاتىر»، - دەدى دانيار ءقادىروۆ.