مەملەكەت باسشىسى قاسىم-جومارت توقايەۆ نەمىس كومپانيالارىن قازاقستانعا ينۆەستيسيا سالۋعا شاقىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىزدىڭ ىنتىماقتاستىعىمىزدىڭ نەگىزگى سەكتورى – مۇناي مەن گاز، ءوندىرىس، ماشينا جاساۋ، كولىك، لوگيستيكا، جاڭاراتىن ەنەرگيا، اۋىل شارۋاشىلىعى. قانشا سالا بولسا، سونشا سەكتور بار. ءبىز گەرمانيانىڭ جاڭا كومپانيالارىن قازاقستانداعى جاسىل وسىمگە، يننوۆاسياعا، سۋتەگىنە، جاسىل ەنەرگەتيكا وندىرىسىنە ينۆەستيسيا سالۋعا شاقىرامىز»، - دەدى قاسىم-جومارت توقايەۆ ەلىمىزگە مەملەكەتتىك ساپارمەن كەلگەن گەرمانيانىڭ فەدەرالدى پرەزيدەنتى فرانك-ۆالتەر شتاينمايەرمەن كەڭەيتىلگەن قۇرامداعى كەلىسسوز بارىسىندا.
مەملەكەت باسشىسى بۇگىن ەلوردادا وتەتىن بىرلەسكەن بيزنەسكە ۇلكەن ءۇمىت ارتاتىندىعىن باسا ايتتى.
«بۇگىن تۇستەن كەيىن وتەتىن قازاقستان-گەرمان ينۆەستيسيالىق فورۋمىنان زور ءۇمىتىمىز بار. مەنىڭشە، بۇل فورۋم مەن ونىڭ اياسىندا ۇكىمەتتىك ءارى بيزنەس دەڭگەيىندە قول جەتكىزىلەتىن كەلىسىمدەر ساۋدا جانە ينۆەستيسيالىق ىنتىماقتاستىعىمىزدى نىعايتۋعا تىڭ سەرپىن بەرەدى دەپ ويلايمىن»، - دەدى پرەزيدەنت.