قازاقستان مەن فرانسيا باسشىلارى ءبىرقاتار قۇجاتقا قول قويدى

بۇگىن ەكى ەل باسشىسىنىڭ كەلىسسوز جۇرگىزگەنىن حابارلاعانبىز.

كەلىسسوزدەر ناتيجەسىندە قازاقستان مەن فرانسيا باسشىلارى بىرلەسكەن مالىمدەمە جاسادى، دەپ حابارلايدى Almaty-akshamy.kz

ەكى ەلدىڭ رەسمي دەلەگاسيا مۇشەلەرى مىناداي قۇجاتتارعا قول قويدى:

1. قازاقستان رەسپۋبليكاسىنىڭ ۇكىمەتى مەن فرانسۋز رەسپۋبليكاسىنىڭ ۇكىمەتى اراسىنداعى قازاقستاندا فرانسۋز دامۋ اگەنتتىگى توبىن قۇرۋ جانە ونىڭ جۇمىس ىستەۋى تۋرالى كەلىسىم؛


2. قازاقستان رەسپۋبليكاسىنىڭ ۇكىمەتى مەن فرانسۋز رەسپۋبليكاسىنىڭ ۇكىمەتى اراسىنداعى قازاقستان رەسپۋبليكاسىندا حالىقارالىق (فرانسۋز) مەكتەپتەر اشۋعا جانە قازاقستان رەسپۋبليكاسىنىڭ ءبىلىم بەرۋ ۇيىمدارىندا فرانسۋز ءتىلىن وقىتۋعا قاتىستى كەلىسىم؛


3. فرانسيا مەن قازاقستان اراسىنداعى ستراتەگيالىق پايدالى قازبالار بويىنشا ىنتىماقتاستىق تۋرالى بىرلەسكەن نيەت دەكلاراسياسى؛


4. «QazBioPharm «ۇح» اق مەن Boehringer Ingelheim Animal Health France كومپانياسى اراسىندا قازاقستان رەسپۋبليكاسىندا اۋسىلعا قارسى ۆاكسينانى جەرگىلىكتى ءوندىرۋ بويىنشا ىنتىماقتاستىق، ليسەنزيا جانە جەتكىزۋ تۋرالى كەلىسىم؛


5. ەنەرگيانى جيناقتاۋ جۇيەسى بار، جيىنتىق قۋاتى 1 گۆت جەل ەلەكتر ستانسيالارىن سالۋ جوباسى بويىنشا بىرلەسكەن كاسىپورىن تۋرالى كەلىسىم؛


6. «قازاقستان رەسپۋبليكاسىندا تەمىرجول لوكوموتيۆتەرى مەن جىلجىمالى قۇرامدى، سونداي-اق تەمىرجول تەحنيكاسىنىڭ قوسالقى بولشەكتەرىن ءوندىرۋ جانە ولارعا سەرۆيستىك قىزمەت كورسەتۋ» جوباسىن ىسكە اسىرۋ جونىندەگى ينۆەستيسيالار تۋرالى كەلىسىم.