الماتى تۇرعىنى ورتەنىپ جاتقان كولىكتى ءسوندىرىپ، جارىلىستىڭ الدىن الدى

31 قازان كۇنى الماتى ق. تجد "101" پۋلتىنە الاتاۋ اۋدانى وتەمىس ۇلى كوشەسىنىڭ قيىلىسىنىڭ، باك اۆتوجول بويىندا اۆتوكولىك ورتەندى.

اۋا-رايىنىڭ قولايسىزدىعى، ۇزاققا سوزىلعان جول كەپتەلىسى ءورت ءسوندىرۋ تەحنيكاسىنىڭ جۇرۋىنە قيىندىق تۋدىرعان، دەپ حابارلايدى Almaty-akshamy.kz الماتى قالاسىنىڭ توتەنشە جاعدايلار دەپارتامەنتىنە سىلتەمە جاساپ. 

 وقيعا ورنىنا جەتكەندە، ءورت سوندىرۋشىلەر  اۋماعى 1،5 شارشى مەتردى  قامتىعان  "دەۋ نەكسيا" ماركالى اۆتوكولىكتىڭ موتور مەن سالونى وتقا ورانعانىن انىقتادى، وعان قوسا باك بەنزين تولعان جانە كولىكتىڭ جۇك سالعىشىندا گبو ورناتىلعانى تۋرالى اقپارات ءتۇستى.  قىزىل جالىن  تولىعىمەن جويىلدى. ابىروي بولعاندا قۇربان بولعان ادامدار  مەن زارداپ شەككەندەر جوق.

ءورت ءسوندىرۋ بولىمشەلەرى كەلگەنگە دەيىن سۋ تاسيتىن جەكەمەنشىك كولىكتىڭ جۇرگىزۋشىسى ماعجان قاليحانوۆ ورتەنىپ تۇرعان  "دەۋ نەكسيا" كورىپ،  ەش ويلانباستان كومەككە اسىعىپ، جالىنعا ورانعان كولىكتى سوندىرە باستادى. وسىلايشا ول ماشينانىڭ قىزىپ كەتۋىنە جول بەرمەي، جارىلىستىڭ الدى ءالىندىى. ءورتتى سوندىرۋگە تاعى ەكى كۋاگەر ماعجانعا ات سالىستى.

ورتەنگەن كولىكتى باسقارعان جۇرگىزۋشىنىڭ ايتۋىنشا،  جول ءجۇرىپ كەلەجاتقاندا كاپوت استىنان ءتۇتىن شىعىپ، قاقپاسىن اشقان بويدا ءورت ءارى قاراي تارالعان. ءوزى الاڭداسا دا، 101 ديسپەچەرلەرىن نومەرىن تەرۋگە ۇلگەرىپتى. ونىڭ ايتۋىنشا، بەنزوباك جانارمايعا، جانە گبق تولى بولعان،  ءورت بۇكىل كولىكتى شارپىعان جاعدايدا، وقيعانىڭ سوڭى قايعىلى اياقتالۋى دا مۇمكىن ەدى.

ەگەر جولدا ءجۇرىپ تۇرعان اۆتوكولىكتە  ءورت پايدا بولسا

دەرەۋ جول قوزعالىسىن توقتاتىڭىز؛

وتالدىراتىن قۇرىلعىلاردى ءوشىرىڭىز، ءتىپتى كىلتتى قۇلىپتان الىپ تاستىڭىز ؛

«Neitral»  قوسىڭىز، تۇراق تەجەگىشىن قىسىڭىز؛

جولاۋشىلارمەن بىرگە سالوننان شىعىڭىز؛

101 نومىرىنە قوڭىراۋ شالىڭىز؛

ەگەر قالىڭ ءتۇتىن بولسا، كاپوتتى اشپاڭىز؛

ءورت سوندىرگىشتى كاپوت پەن رادياتور توردىڭ اراسىنداعى ساڭىلاۋعا باعىتتاپ ءوشىرىڭىز؛

ەگەر وت وقشاۋلانسا، كاپوتتى اشىپ، قىزىل جالىندى تولىعىمەن ءسوندىرىڭىز؛

كلەممالارىن اجىراتىڭىز .

 باستاپقىدا ساپالى گبو جانە دۇرىس ورناتۋشىنى تاڭداڭىز.