قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى الىبەك باقايەۆ ەۋروپالىق وداقتىڭ قازاقستانداعى ەلشىسى كەستۋتيس يانكاۋسكاسپەن كەزدەسۋى وتكىزدى.
كەزدەسۋ بارىسىندا تاراپتار كونسۋلدىق سالاداعى ىنتىماقتاستىقتىڭ ءبىرقاتار ماسەلەلەرىن قوزعاپ، ق ر ازاماتتارى ءۇشىن ەو ەلدەرىنىڭ ۆيزالىق رەجيمىن جەڭىلدەتۋ بويىنشا كونسۋلتاسيالاردىڭ ەكىنشى كەزەگىن وتكىزۋ ماسەلەسىن تالقىلادى، دەپ حابارلايدى Almaty-akshamy.kz سىرتقى ىستەر مينيسترلىگىنە سىلتەمە جاساپ.
ەۋروپالىق ۆيزالىق رەجيمدى جەڭىلدەتۋدىڭ باستاپقى كەزەڭدەرى:
- ۆيزاعا ءوتىنىم بەرۋدىڭ ءبىرىڭعاي قۇجاتتار توپتاماسىن ەنگىزۋ؛
- كونسۋلدىق الىمداردىڭ مولشەرىن قىسقارتۋ؛
- وتىنىمدەردى قاراسۋدىڭ مەرزىمىن ازايتۋ؛
- كوپ مارتەلىك ۆيزالاردىڭ قولدانىس مەرزىمىن ۇزارتۋ.
كەلىسسوزدەردىڭ ناتيجەسى بويىنشا، ق ر مەن ەو اراسىنداعى كونسۋلدىق سالاداعى دوستىق قارىم-قاتىناستاردى ودان ءارى نىعايتۋ بويىنشا ۋاعدالاستىققا قول جەتكىزىلدى.