جامبىل پوليسەيلەرى الماتىدان كولىك ۇرلاعان ازاماتتى قولعا ءتۇسىردى.
24 قاڭتار جامبىل وبلىسى پاترۋلدىك پوليسيا باتالونىنىڭ قىزمەتكەرلەرى الماتىدان Toyota Camry اۆتوكولىگىن ۇرلاپ، شىمكەنت قالاسى باعىتىندا كەلە جاتقان كۇدىكتىنى ۇستاۋ تۋرالى باعدار الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پد پاترۋلدىك پوليسيا باتالونى ۆزۆودىنىڭ قىزمەتكەرلەرى باتىس ەۋروپا – باتىس جۇڭگو رەسپۋبليكالىق ماڭىزى بار اۆتوجولىنىڭ 240-شاقىرىمىندا قىزمەت وتكەرۋ كەزىندە اتالعان اۆتوكولىكتى بايقاپ، ونى توقتاتۋ جانە ۇستاۋ ءۇشىن شارالار قابىلدادى.
تەكسەرۋ بارىسىندا جۇرگىزۋشىنىڭ كولىك قۇرالىن باسقارۋعا ءتيىستى قۇجاتتارى جوق ەكەندىگى جانە ىزدەۋدەگi ۇرلانعان اۆتوكولىك رەتىندە تىركەلگەنى انىقتالدى. اتالعان كولىكتىڭ سالونىندا جۇرگىزۋشىدەن باسقا تاعى 2 جولاۋشى بولعان. كولىك ۇرلاعاننان كەيىن جۇرگىزۋشى اقشا تابۋعا شەشىم قابىلداپ، جولدا وزىنە ەكى جولاۋشىنى وتىرعىزعانى بەلگىلى بولدى. تەز ارادا ۇستالعان جەرگە قورداي اۋداندىق پوليسيا ءبولىمىنىڭ جەدەل-تەرگەۋ توبى كەلدى.
قازىرگى ۋاقىتتا كۇدىكتى الماتى قالاسى بوستاندىق اۋدانىنىڭ پب ارىپتەستەرىنە ودان ءارى انىقتاۋ ماقساتىندا بەرiءلدى.