قازاقستان مەن ءازىربايجان رەسپۋبليكاسى ءبىرقاتار ۆەتەريناريالىق سەرتيفيكاتتار بويىنشا كەلىسىمگە قول جەتكىزدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
بۇل ەكى ەل اراسىنداعى ساۋدا قارىم-قاتىناستارىن دامىتۋدا ماڭىزدى قادام بولماق. بۇل باستاما مينيسترلىكتىڭ اگرارلىق سەكتوردى دامىتۋ جانە قازاقستاننىڭ الەمدىك ارەناداعى ۇستانىمىن نىعايتۋ جونىندەگى ستراتەگياسىنىڭ ءبىر بولىگى بولىپ سانالادى.
ق ر اۋىل شارۋاشىلىعى مينيسترلىگى جۇيەلى نەگىزدە مال شارۋاشىلىعى ونىمدەرىنىڭ ساپاسى مەن قاۋىپسىزدىگى ستاندارتتارىن جاقسارتۋ، وندىرۋشىلەردىڭ جاڭا حالىقارالىق نارىقتارعا شىعۋىنا قولداۋ كورسەتۋ بويىنشا شارالار قابىلداۋدا. ۆەدومستۆو كەلىسسوزدەردە نەگىزگى ءرول اتقاردى.
ەندى وتاندىق وندىرۋشىلەر ءىرى جانە ۇساق مالدان العان ءسۇت پەن ءسۇت ونىمدەرىن ءازىربايجانعا ەكسپورتتاي الادى. سونداي-اق قۇس ەتىن، ىشكى ونىمدەر مەن جاناما ونىمدەردى جەتكىزۋ تۋرالى كەلىسىمگە قول جەتكىزىلدى. تۇيەلەردى جانە تۇيە تۇقىمداسىنىڭ باسقا دا تۇرلەرىن، اتاپ ايتقاندا لاما، الپاكا جانە ۆيكۋنيا، اسىل تۇقىمدى ءىرى قارا، ۇساق مال، سويۋعا ارنالعان ءىرى جانە ۇساق مال، كونسەرۆىلەر، شۇجىق جانە باسقا دا دايىن ەت ونىمدەرىن ەكسپورتتاۋ ءۇشىن ۆەتەريناريالىق سەرتيفيكاتقا قول قويۋ كەلىسىلدى.
«قول جەتكىزىلگەن كەلىسىم قازاقستاندىق ەكسپورتتى كەڭەيتۋ جانە ەكى ەل اراسىنداعى مال شارۋاشىلىعى سالاسىنداعى ەكونوميكالىق سەرىكتەستىكتى نىعايتۋ ءۇشىن جاڭا مۇمكىندىكتەر اشادى. بۇل ەكونوميكالىق ءوسىم مەن وركەندەۋگە سەپتىگىن تيگىزەتىنىنە سەنىمدىمىن»، - دەپ اۋىل شارۋاشىلىعى ءمينيسترى ايداربەك ساپاروۆ كەلىسىمنىڭ ماڭىزدىلىعىنا توقتالدى.
ەكسپورتقا شىعارىلاتىن ءونىم تۇرلەرىن كەڭەيتۋ جۇمىستارى جالعاسۋدا.