الماتى ونكولوگيالىق ورتالىعى ونكولوگيالىق كومەك كورسەتۋدە جوعارى ناتيجە كورسەتۋدى جالعاستىرىپ كەلەدى. 2024 جىلدىڭ ءبىرىنشى جارتىجىلدىعىندا مۇندا 1500 حيرۋرگيالىق ارالاسۋ جۇرگىزىلدى، بۇل 2023 جىلدىڭ سايكەس كەزەڭىمەن سالىستىرعاندا 99 وتاعا كوپ.
ەستەرىڭىزگە سالا كەتەيىك الماتى ونكولوگيالىق ورتالىعى قالالىق پاسيەنتتەرگە ونكولوگيالىق كومەكتىڭ II دەڭگەيىن كورسەتەدى.
جۇرگىزىلەتىن وتالار، سونىڭ ىشىندە جوعارى تەحنولوگيالىق وتالار سانىنىڭ ۇلعايۋى وتادان كەيىنگى ءولىم-جىتىم كورسەتكىشتەرىنىڭ جاقسارۋىمەن قاتار جۇرەدى: جىل باسىنان بەرى ول وتكەن جىلدىڭ سايكەس كەزەڭىمەن سالىستىرعاندا 1،5%-دان 0،6%-عا دەيىن تومەندەدى.
ناۋقاستاردى مامانداندىرىلعان ەمدەۋمەن قامتۋ ارتتى. 2024 جىلى 11 740 پاسيەنت ەمدەلدى، بۇل 2023 جىلمەن سالىستىرعاندا 1 547 ادامعا كوپ. بۇل كورسەتكىشكە حيميوتەراپيا جانە ساۋلەلىك تەراپيا كىرەدى. 2023 جىلى 8 372 ناۋقاسپەن سالىستىرعاندا 9 790 پاسيەنت حيميوتەراپيالىق ەم الدى.
ونكولوگيالىق ناۋقاستاردى ساۋلەلىك تەراپيامەن قامتۋدىڭ ارتۋى بايقالادى. 2024 جىلدىڭ العاشقى التى ايىندا راديولوگيا ءبولىمى 624 ونكولوگيالىق ناۋقاسقا 10 608 ساۋلەلىك تەراپيا سەانسىن جاسادى. 2023 جىلدىڭ سايكەس كەزەڭىمەن سالىستىرعاندا بۇل ايتارلىقتاي ءوستى، وتكەن جىلى 523 ناۋقاسقا 9 632 سەانس جۇرگىزىلدى.
- 2024 جىلدىڭ العاشقى التى ايىندا قاتەرلى ىسىككە كۇدىكتى جانە ونكولوگيالىق ناۋقاستارعا 340 627 دياگنوستيكالىق تەكسەرۋ جۇرگىزىلدى.
- 2023 جىلى بۇل كورسەتكىش 321 110 زەرتتەۋدى قۇرادى. بۇل كورسەتكىش قالانىڭ مەديسينالىق جۇيەسىنە جانە كورسەتىلەتىن مەديسينالىق كومەك ساپاسىنا دەگەن سەنىمنىڭ جوعارى دەڭگەيىن كورسەتەدى.
الماتى ونكولوگيالىق ورتالىعى كورسەتىلەتىن كومەك كولەمىن ۇلعايتىپ قانا قويماي، سونىمەن قاتار ەلىمىزدىڭ تۇكپىر-تۇكپىرىنەن كەلگەن پاسيەنتتەردىڭ مۇمكىندىگىن كەڭەيتىپ، قىزمەتىن بەلسەندى تۇردە دامىتىپ كەلەدى. ونكولوگ مامانداردى ەمدەۋدىڭ جاڭا ادىستەرىنە ۇيرەتۋگە ەرەكشە كوڭىل بولىنەدى. 2024 جىلدىڭ ءبىرىنشى جارتىجىلدىعىندا بەس دارىگەر شەتەلدىڭ جەتەكشى كلينجىلسىندا تاعىلىمدامادان ءوتتى، بۇل ولارعا وزىق تەحنولوگيالاردى ەنگىزۋگە جانە ەمدەۋ ساپاسىن ارتتىرۋعا مۇمكىندىك بەرەدى.
الماتى ونكولوگيالىق ورتالىعى مەديسينالىق كومەك پەن كاسىبيلىكتىڭ جوعارى ستاندارتتارىن كورسەتە وتىرىپ، دامۋىن جالعاستىرادى. وتا سانىنىڭ ارتۋى، وتادان كەيىنگى ءولىم-جىتىمنىڭ تومەندەۋى جانە مامانداندىرىلعان ەمدەۋ تۇرلەرىنىڭ كوبەيۋى ونىڭ قازاقستانداعى جەتەكشى مەديسينالىق مەكەمەلەردىڭ ءبىرى رەتىندەگى مارتەبەسىن راستايدى.