الماتىدا اۋەزوۆ اۋدانىندا جىلۋ جەلىلەرىندە جوندەۋ جۇمىستارىن جۇرگىزۋ ءۇشىن التىنسارين داڭعىلىنداعى ۋچاسكەلەردىڭ بىرىندە جول ءجۇرۋ ءىشىنارا جابىلادى، دەپ حابارلايدى aqshamnews.kz
الماتىدا جىلۋ جەلىلەرىندەگى جوندەۋ جۇمىستارى كەزىندە التىنسارين داڭعىلى بويىنشا جول ءجۇرۋ ءىشىنارا شەكتەلەدى
الماتىدا تۇندە جىلۋ جەلىلەرىندە جوندەۋ جۇمىستارى كەزىندە التىنسارين داڭعىلىنداعى ۋچاسكەلەردىڭ بىرىندە قوزعالىس شەكتەلەدى
26 شىلدەدە ساعات 22:00-دەن 27 شىلدە ساعات 08:00-گە دەيىن الماتىنىڭ اۋەزوۆ اۋدانىندا كولىك قوزعالىسى التىنسارين داڭعىلى بويىنشا №6 قالالىق اۋرۋحانادان اباي داڭعىلىنا دەيىن وڭتۇستىك باعىتتا جابىلادى.
التىنسارين داڭعىلىنداعى قوزعالىس سولتۇستىك باعىتتا اشىق بولادى.
الداعى جىلىتۋ ماۋسىمىنا جىلۋمەن جابدىقتاۋ جەلىلەرىن دايىنداۋ جونىندەگى ءىس-شارالار شەڭبەرىندە ماگيسترالدىق قۇبىر ۋچاسكەسىندە جوندەۋ جۇمىستارىن جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى.
ەستەرىڭىزگە سالا كەتەيىك، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعان.
ۋاقىتشا قولايسىزدىقتار ءۇشىن كەشىرىم سۇرايمىز جانە تۇسىنىستىكپەن قاراۋدى وتىنەمىز.
«الماتى جىلۋ جۇيەسى» ج ش س