قازاقستان مەن ازىھەربايجان ترانزيتتىك-كولىكتىك الەۋەتتى دامىتۋعا نيەتتى.
ونىڭ ىشىندە ترانسكاسپيي حالىقارالىق كولىك باعىتىنىڭ مۇمكىندىكتەرى كەڭىنەن قولدانىلماق، دەپ حابارلايدى Almaty-akshamy.kz
بۇل تۋرالى ەلىمىزدىڭ يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى حابارلادى. قوس تاراپتىڭ ۆەدومستۆو وكىلدەرى اعىمداعى جىلعى جۇك تاسىمالى كولەمىنىڭ بولجامدارىن، تەمىرجول ۋچاسكەلەرى مەن كاسپيي تەڭىزىنىڭ وتكىزۋ قابىلەتىن، سونداي-اق قوسىمشا اعىنداردى قايتا باعدارلاۋ شارتتارىن تالقىلادى.
اتاپ ايتقاندا، قازاقستاندىق ەكسپورتتاۋشىلار ترانسكاسپيي كولىك ءدالىزى ارقىلى 2 ملن توننا وتاندىق ءونىمدى جونەلتۋگە دايىن. سونداي-اق قازاقستان تاراپى ءازىربايجاندىق ارىپتەستەرىنە حالىقارالىق باعىت بويىنشا اۆتوكولىكپەن جۇك تاسىمالىن بىرلەسىپ دامىتۋدى ۇسىندى. سونىمەن قاتار تاراپتار بىرلەسكەن كاسىپورىن قۇرۋ ارقىلى تاريفتەردى بەلگىلەۋ جانە جۇكتەردى دەكلاراسيالاۋ ماسەلەلەرىن شەشۋگە، ءبىرىڭعاي IT شەشىمدەردى قولدانۋعا جانە ترانزيتتىك جۇكتەردى شوعىرلاندىرۋعا مۇمكىندىك بەرەدى.
سونداي-اق قازاقستان مەن ءازىربايجان ەكى ەل اراسىنداعى اۋە رەيستەرىنىڭ سانىن ارتتىرۋعا دايىن.