2023 جىلعى 21 تامىزدا قازاقستان مەن ازەربايجاننىڭ جەتەكشى تەلەكوممۋنيكاسيالىق كومپانيالارى قازاقتەلەكوم مەن AzerTelecom قازاقستان-ازەربايجان باعىتى بويىنشا ترانسكاسپيي تالشىقتى-وپتيكالىق بايلانىس جەلىسىن (توبج) سالۋعا جانە پايدالانۋعا جاۋاپتى بىرلەسكەن كاسىپورىندى تىركەۋ تۋرالى قۇجاتقا قول قويدى، دەپ حابارلايدى Almaty-akshamy.kz.
كاسپيي تەڭىزىنىڭ تۇبىمەن قۇرىلىس جۇمىستارى جاقىن ارادا باستالادى.
قازاقستاننىڭ ازەربايجانداعى ەلشىسى ءالىم بايەل جوبانى ىسكە اسىرۋدى جەدەلدەتۋ جونىندەگى تاپسىرمانى قازاقستان مەن ازەربايجاننىڭ مەملەكەت باسشىلارى وسى جىلدىڭ ءساۋىر ايىندا بەرگەنىن، ماۋسىم ايىندا ق ر پرەمەر-مينيسترى ءا.سمايىلوۆتىڭ ازەربايجانعا ساپارى بارىسىندا توبج سالۋ جونىندەگى بىرلەسكەن كاسىپورىن قۇرۋ تۋرالى كەلىسىمگە قول قويىلعانىن حابارلادى.
كابەلدىك جەلىنىڭ ۇزىندىعى شامامەن 380 كم قۇرايدى، وتكىزۋ قابىلەتى سەكۋندىنا 400 تەرابيتكە دەيىن جەتپەك. ترانسكاسپيي كابەل جەلىسى ازيا مەن ەۋروپا اراسىندا دەرەكتەردىڭ كوپ تەرابايتتىق كولەمىن وتكىزۋدى قامتاماسىز ەتە وتىرىپ، مارشرۋتتاردى ءارتاراپتاندىرماق، ەلدەرىمىزدىڭ اقپاراتتىق قاۋىپسىزدىگىن نىعايتپاق، ينتەرنەتتىڭ جىلدامدىعىن ارتتىرماق جانە ءوڭىردىڭ ەكونوميكالىق دامۋىنا سەرپىن بەرمەك. توبج قۇرىلىسى ەۋروپا مەن ازيا اراسىندا جاڭا سيفرلىق تەلەكوممۋنيكاسيالىق ءدالىز قۇرۋ بويىنشا اۋقىمدى سيفرلىق جىبەك جولى (Digital Silk Way) جوباسىنىڭ بولىگى بولىپ سانالادى.
جوبانى ىسكە اسىرۋ ناتيجەسىندە قازاقستان مەن ازەربايجان حالىقارالىق ترافيك تاسىمالداناتىن سيفرلىق حابقا اينالادى دەپ كۇتىلۋدە.