بۇل تۋرالى ساياباق اۋماقتارىن ارالاۋ بارىسىندا الماتى قالاسى اكىمىنىڭ ورىنباسارى الىشەر ءابدىقادىروۆ مالىمدەدى.
جوباعا سايكەس، الاڭ "تىنىش" جانە "بەلسەندى" ايماقتارعا ءبولىندى. بالالار ءۇشىن 1264 شارشى مەترلىك ەكسترەمالدى سپورت تۇرلەرىمەن اينالىسۋعا ارنالعان قالاداعى ەڭ ۇلكەن كونكي الاڭى ورناتىلدى. ونىڭ ەلەمەنتتەرى ءمونوليتتى تەمىربەتوننان جاسالعان، مەحانيكالىق زاقىمدانۋعا بەيىم شەتتەرى بولات پروفيلمەن نىعايتىلعان. الاڭ جوباسى كاسىبي سپورتشىلار-حالىقارالىق جارىستارعا قاتىسۋشىلاردىڭ پىكىرلەرىن ەسكەرە وتىرىپ ازىرلەندى. مۇندا كەز-كەلگەن قۇرىلعىلار يەلەرى جاتتىعا الادى: سكۋتەرلەر، روليكتەر، كونكيلەر جانە ۆەلوسيپەدتەر.