جۇمىسقا زاڭسىز تۇرعان 17 ديرەكتور قىزمەتتەرىنەن الىندى.
ق ر وقۋ-اعارتۋ مينيسترلىگىنىڭ اپپارات جينالىسىندا ءبىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى ەرنۇر داۋرەنوۆ وسىنداي مالىمەت بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىل مونيتورينگ جۇرگىزىلگەن مەكتەپتەردە جاڭا وقۋ جىلىنا 3855-تەن استام پەداگوگ جۇمىسقا قابىلدانعان. ونىڭ ىشىندە 1423 بوس ورىن بويىنشا كونكۋرس وتكىزىلمەگەن. تۇركىستان وبلىسىندا 122 ءمۇعالىم، الماتى وبلىسىندا 250 ءمۇعالىم، جامبىل وبلىسىندا 169 ءمۇعالىم، شىمكەنت قالاسىندا 134 ءمۇعالىم جۇمىسقا كونكۋرسسىز قابىلدانعان. بۇل رەتتە زاڭسىزدىق ورىن العان قاراعاندى، قوستاناي، جەتىسۋ، باتىس قازاقستان، اقتوبە وبلىستارىن دا اتاپ كەتۋگە بولادى»، - دەدى كوميتەت باسشىسى.
ونىڭ سوزىنە قاراعاندا، پەداگوگتەردى كونكۋرسسىز جۇمىسقا قابىلداۋدىڭ سالدارى بولۋى مۇمكىن.
«سونىمەن قاتار 944 پەداگوگتى جۇمىسقا قابىلداۋ كەزىندە كونكۋرستى ۇيىمداستىرۋ ءتارتىبى بۇزىلعان. مىسالى، حابارلاندىرۋ ۋاقتىلى جاريالانباعان، قۇجاتتار تولىق تاپسىرىلماعان جانە حاتتامالارى دۇرىس تولتىرىلماعان. اتالعان زاڭسىزدىقتار بويىنشا 558 مەكتەپ ديرەكتورىنا تارتىپتىك شارا قابىلداندى جانە 17 ديرەكتور جۇمىستان بوساتىلدى»، - دەدى ەرنۇر داۋرەنوۆ.