ەرلان قارين: ۇلكەن ەلەكتورالدى سيكلدىڭ ءبىرىنشى كەزەڭى ءساتتى اياقتالدى

پرەزيدەنتتىك سايلاۋ ازاماتتاردىڭ نىعايۋىنا ساپالى، تىڭ مازمۇندى سيپات بەردى.

سايلاۋ قوعام مەن بيلىكتە ەل دامۋىنىڭ كەلەشەگىنە ءبىرىڭعاي تۇسىنىك بار ەكەندىگىن قۋاتتادى. مۇنداي پىكىردى ق ر مەملەكەتتىك حاتشىسى ەرلان قارين ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«وتكەن پرەزيدەنت سايلاۋى وسى جىل بويى نىعايا تۇسكەن قوعامدىق شوعىرلانۋ تۇرعىسىندا ەلدىڭ دامۋى ءۇشىن زور ماڭىزعا يە. ماۋسىمدا وتكەن رەفەرەندۋمدا قازاقستاندىقتاردىڭ 77 پايىزدان استامىنىڭ كونستيتۋسيالىق رەفورمانى ماقۇلداۋى ءىس باسىنداعى بيلىكتى ازاماتتاردىڭ قولداۋىن كورسەتتى. داۋىس بەرۋ قورىتىندىسىندا 80 پايىزدان استام داۋىس جيناعان قاسىم-جومارت توقايەۆتىڭ سەنىمدى جەڭىسى بيلىكتىڭ جۇزەگە اسىرىپ جاتقان، سونىمەن قاتار بولاشاققا جوسپارلاپ وتىرعان ىس-ارەكەتىن ازاماتتاردىڭ قولدايتىنىنىڭ جارقىن كورىنىسى»، - دەپ جازدى مەملەكەتتىك كەڭەسشى تelegram-دا. 

ونىڭ اتاپ وتۋىنشە، ەگەر رەفەرەندۋم قوعامنىڭ شوعىرلانۋىنىڭ جاڭا دەڭگەيگە كوتەرىلۋىن كورسەتسە، پرەزيدەنتتىك سايلاۋ ازاماتتاردىڭ نىعايۋىنا ساپالى، تىڭ مازمۇندى سيپات بەردى.

«سايلاۋ بۇگىندە قوعام مەن بيلىكتە ەل دامۋىنىڭ كەلەشەگىنە ءبىرىڭعاي تۇسىنىك بار ەكەندىگىن قۋاتتادى. جالپى، ۇلكەن ەلەكتورالدى سيكلدىڭ ءبىرىنشى كەزەڭى ءساتتى اياقتالدى دەۋگە بولادى. كەلەسى كەزەك – پارلامەنتتىك جانە ءماسليحاتتار سايلاۋى. قورىتىندىسىندا، قوعام بيلىكتىڭ شوعىرلاۋىن نىعايتىپ، مەملەكەتتىك ينستيتۋتتاردىڭ تۇراقتى جۇيەسىن قالىپتاستىرىپ، ەلىمىز الەمدىك قۇبىلمالىقتىڭ كۇردەلى جاعدايىندا قاجەتتى نىق ءارى تۇراقتى قور جيناقتايدى»، - دەدى ەرلان قارين.