200-دەن استام ەلدى مەكەندە مەديسينالىق وبەكتىلەر جوق.
اۋىلداعى مەديسينالىق ينفراقۇرىلىمنىڭ شامامەن 50%-ى توزعان. بۇل تۋرالى ق ر دەنساۋلىق ساقتاۋ ءمينيسترى اجار عينيات ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەملەكەت باسشىسىنىڭ تاپسىرماسىمەن اۋىلداعى وبەكتىلەرگە ينۆەنتاريزاسيا جۇرگىزىلدى، ناتيجەسىندە 200-دەن استام ەلدى مەكەندە مەديسينالىق وبەكتىلەر جوق، 400-گە جۋىق مەديسينالىق وبەكتى جالدامالى، اپاتتى نەمەسە بەيىمدەلگەن عيماراتتاردا ورنالاسقان»، - دەدى مينيستر ۇكىمەتتىڭ بۇگىنگى وتىرىسىندا.
اجار عينياتتىڭ ايتۋىنشا، اۋىلداعى مەديسينالىق-سانيتارلىق العاشقى كومەكتىڭ مەديسينالىق ينفراقۇرىلىمى 50%-ى توزعان.
سونىمەن بىرگە، ەل حالقىنا، ونىڭ ىشىندە اۋىل تۇرعىندارىنا مەديسينالىق-سانيتارلىق العاشقى كومەكتىڭ قولجەتىمدىلىگىن ارتتىرۋ ءۇشىن بيىل دەنساۋلىق ساقتاۋ ۇيىمدارى جەلىسىنىڭ جاڭا مەملەكەتتىك ءنورماتيۆى بەكىتىلدى.
وسىلايشا، 50 ادامعا دەيىنگى اۋىلداردا مەيىرگەر مەديسينالىق كومەكتى ءۇي-جايسىز جۇزەگە اسىرادى، ال 500 ادام تۇراتىن اۋىلداردا مەديسينا قىزمەتكەرلەرىنىڭ سانى ءبىر ادامنان ۇشكە دەيىن ۇلعايىپ، فەلدشەرلىك-اكۋشەرلىك پۋنكتتەر اشۋعا بولادى.
«امبۋلاتوريالىق دارى-دارمەكپەن قامتاماسىز ەتۋگە كىرمەيتىن دارىلەردىڭ قولجەتىمدى ەتۋ ءۇشىن سالالىق زاڭناماعا اۋىلدىق مەديسينالىق ۇيىمداردا ءدارىحانا پۋنكتتەرىن قۇرۋ جونىندەگى نورما ەنگىزىلدى. بيىلعى شىلدە ايىنان باستاپ 230 ەلدىمەكەندە 75 مەملەكەتتىك جانە 161 جەكە ءدارىحانا اشىلدى»، - دەدى اجار عينيات.
بۇعان دەيىن دەنساۋلىق ساقتاۋ ءمينيسترى اۋىل تۇرعىندارىندا ءجيى كەزدەسەتىن اۋرۋلاردى اتاعان ەدى.