21-23 قىركۇيەكتە كونگرەسس-ورتالىعىندا جانە EXPO حالىقارالىق كورمە ورتالىعىندا قازاقستان ماشينا جاساۋشىلارىنىڭ X فورۋمى جانە Kazakhstan Machinery Fair 2022 ماشينا جاساۋ جانە مەتالل وڭدەۋ بويىنشا II حالىقارالىق مامانداندىرىلعان كورمە وتەدى.
فورۋمنىڭ تاقىرىبى: «قازاقستاننىڭ ماشينا جاساۋ سالاسى: جاڭا زاماننىڭ سىن-تەگەۋرىندەرى». فورۋم رەسپۋبليكاسى ۇكىمەتىنىڭ قولداۋىمەن قازاقستان ماشينا جاساۋشىلار وداعى، يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن ۇيىمداستىرىلماق، دەپ حابارلايدى Almaty-akshamy.kz.
فورۋم ماشينا جاساۋ سالاسىنىڭ وڭىرلىك جانە حالىقارالىق كاسىپورىندارى تاپ بولىپ وتىرعان سىن-تەگەۋرىندەردىڭ كەڭ اۋقىمىن شەشەتىن پىكىرتالاس الاڭى رەتىندە ءوزىن تانىتتى، ونىڭ شەڭبەرىندە ەكونوميكانى ءارتاراپتاندىرۋ، يمپورتتى الماستىرۋ جانە جاڭا ەكونوميكالىق ساياسات تەتىكتەرى تالقىلانۋدا.
فورۋم مەن كورمەنى وتكىزۋدىڭ ماندىلىگى مەن ماڭىزدىلىعىن ولاردىڭ ناتيجەلەرى دالەلدەيدى. 2021 جىلى فورۋم جۇمىسىنا قازاقستان رەسپۋبليكاسىنان، گەرمانيا فەدەراتيۆتىك رەسپۋبليكاسىنان، يتاليا رەسپۋبليكاسىنان، اۆستريا رەسپۋبليكاسىنان، ليتۆا رەسپۋبليكاسىنان، رەسەي فەدەراسياسىنان، ۋكراينادان، وزبەكستان رەسپۋبليكاسىنان، چەح رەسپۋبليكاسىنان، كورەيا رەسپۋبليكاسىنان جانە تۇركيا رەسپۋبليكاسىنان 1 200-دەن استام دەلەگات قاتىستى.
سونداي-اق كورمەگە 200-گە جۋىق وتاندىق جانە شەتەلدىك، ونىڭ ىشىندە الەمگە ايگىلى كومپانيالار قاتىستى.