ەلدىڭ قيىر وڭتۇستىگىندە 35 گرادۋسقا دەيىن جىلى بولادى.
«قازگيدرومەت» ماماندارى 17-19 قىركۇيەك كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
اتموسفەرالىق فرونتالدى بولىكتەردىڭ اسەرىنەن قازاقستاننىڭ باسىم بولىگىندە تۇراقسىز اۋا رايى كۇتىلەدى، كۇن كۇركىرەپ، جاڭبىر جاۋادى، تۇندە ەلدىڭ وڭتۇستىك-شىعىسىنداعى تاۋلى اۋدانداردا جاۋىن-شاشىن (جاڭبىر، قار) كۇتىلەدى.
«ەلدىڭ سولتۇستىگى، ورتالىعى مەن شىعىسى ءالى دە سولتۇستىك-باتىس انتيسيكلوننىڭ ىقپالىندا بولادى، سوندىقتان مۇندا اۋا-رايى نەگىزىنەن جاۋىن-شاشىنسىز بولادى، ال تۇندە 5 گرادۋسقا دەيىن ۇسىك بولادى. كۇندىزگى تەمپەراتۋراعا كەلەتىن بولساق، تەرمومەتر باعانالارى رەسپۋبليكا بويىنشا بىرتىندەپ 20-30 گرادۋسقا دەيىن، ەلدىڭ قيىر وڭتۇستىگىندە 35 گرادۋسقا دەيىن، تەك سولتۇستىك-شىعىس، شىعىس جانە رەسپۋبليكانىڭ ورتالىعىندا 15-25 گرادۋسقا دەيىن جوعارىلاۋى بولجانادى»، - دەلىنگەن سينوپتيكتەردىڭ حابارلاماسىندا.