قازاقستان 222 ەلدىڭ الەمدىك رەيتينگىسىندە COVID-19-دىڭ ءولىم كورسەتكىشى بويىنشا 101-ورىندا تۇر. بۇل تۋرالى ق ر دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا ءمالىم ەتتى، دەپ حابارلايدى almaty-akshamy.kz
الەمدە كۆي-دىڭ 254 ميلليوننان استام جاعدايى تىركەلگدى. تاۋلىگىنە 340 مىڭنان استام جاعداي تىركەلىپ وتىر. 5 ميلليوننان استام ادام قايتىس بولدى. دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا ايماعىنداعى مالىمەتتەرىنە سەنسەك، سوڭعى ەكى اپتادا 54 ەلدىڭ 36-سىندا سىرقاتتانۋدىڭ ءوسۋى بايقالادى»، - دەدى الەكسەي سوي.
ونىڭ ايتۋىنشا، كەيىنگى 14 كۇندە اۋرۋدىڭ ەڭ كوپ ءوسىمى ۆەنگريادا، اۆستريادا، گەرمانيادا پولشادا بايقالعان.
«اۋرۋ ءوسىمى 14 ەلدە، ونىڭ ىشىندە يزرايلدە 48%، مولدوۆادا 28%، قىرعىزستاندا 23%، ارمەنيادا 22%، ۇلىبريتانيادا 18%، ەستونيادا 16% جانە بەلارۋسسيادا 3% تومەندەدى. قازاقستاندا سوڭعى ەكى اپتادا اۋرۋ كورسەتكىشى 23% تومەندەدى. 222 ەلدىڭ الەمدىك رەيتينگىسىندە قازاقستان سىرقاتتانۋ كورسەتكىشى بويىنشا - 105-ورىندا، ال ءولىم كورسەتكىشى بويىنشا - 101-ورىندا تۇر»، - دەد مينيستر.