ەكى ەل اراسىندا بايلانىس نىعايا ءتۇستى.
موزامبيكءتىڭ استاناسى ماپۋتودا قازاقستاننىڭ العاشقى قۇرمەتتى كونسۋلدىعى اشىلدى، دەپ حابارلايدى aqshamnews.kz
قر-نىڭ موزامبيكتەگى قۇرمەتتى كونسۋلى قىزمەتىن كاسىپكەر دينو مامۋدو فوي اتقاراتىن بولدى.
سالتاناتتى ءىس-شاراعا قازاقستاننىڭ موزامبيكتەگى ەلشىسى ەركىن احينجانوۆ، ىسكەر توپتار، ديپلوماتيالىق كورپۋس جانە ب ا ق وكىلدەرى، موزامبيكتە تۇراتىن قازاقستان ازاماتتارى قاتىستى.
ەركىن احينجانوۆ كونسۋلدىقتىڭ اشىلۋى ماڭىزدى ەكەنىن، قوس ەل اراسىنداعى قارىم-قاتىناس نىعايىپ كەلە جاتقانىن اتاپ ءوتتى.
«قازاقستاندىق ديپلومات كونسۋلدىق ينۆەستيسيالىق جانە ساۋدا-ەكونوميكالىق ىنتىماقتاستىقتى تەرەڭدەتۋدىڭ نەگىزگى الاڭىنا اينالاتىنىنا، سونداي-اق قازاقستان مەن موزامبيك اراسىنداعى مادەني جانە گۋمانيتارلىق بايلانىستاردى نىعايتۋعا ىقپال ەتەتىنىنە سەنىم ءبىلدىردى»، - دەپ جازىلعان ءسىم تاراتقان حابارلامادا.
كونسۋل دينو مامۋدو فوي قازاقستان ۇكىمەتى كورسەتكەن سەنىم ءۇشىن العىس ايتىپ، ەكىجاقتى ىنتىماقتاستىقتى دامىتۋعا جانە موزامبيكتەگى قازاقستان ازاماتتارىنىڭ قۇقىعى مەن مۇددەسىن قورعاۋعا دايىن ەكەنىن مالىمدەدى.