الماتىدا «تازا قازاقستان» جالپى رەسپۋبليكالىق باعدارلاماسى اياسىندا جىل سايىنعى «جاسىل اۋلا» اكسياسى اياقتالدى، دەپ حابارلايدى aqshamnews.kz
وسى ماۋسىمدا قالا تۇرعىندارىنان 305 ءوتىنىم كەلىپ ءتۇسءىپ، ونىڭ 133ء-ى ماقۇلدانىپ، 1156 كوشەت بەرىلدى. اسىرەسە، اۋەزوۆ، بوستاندىق جانە الاتاۋ اۋداندارىنىڭ تۇرعىندارى اكسيادا بەلسەندىلىك تانىتتى.
كوشەتتەر «ەكو الماتى» بازاسىندا جانە ءار اۋداننىڭ كوميۋنيتي ورتالىعىندا تەگىن تاراتىلادى. تۇرعىنداردىڭ ايتۋىنشا، مۇنداي باستامالار جاسىل ءارى جايلى اۋلا قۇرۋدا ماڭىزدى.
«ءبىز بۇل اكسياعا ەكىنشى جىل قاتارىنان قاتىسىپ وتىرمىز. اۋلامىزدى ودان ءارى كوگالداندىرعىمىز كەلەدى. مەن ون بەس كوشەت الۋدى جوسپارلاپ وتىرمىن، اعاش تۇرلەرىن ءوزىمىز تاڭدايمىز»، - دەدى اكسياعا قاتىسۋشى ءىلياس مامىتوۆ.
اكسيا اياسىندا تۇرعىندار قايىڭ، شاعان، الما، ءساناعاش، شەگىرشىن جانە بۇتالاردىڭ كوشەتىن الدى. بارلىق كوشەت جاڭا ەرەجەلەرگە ساي: بيىكتىگى كەمىندە 2،5 م، دىڭگەگىنىڭ ديامەترى 1،3 م بيىكتىكتە 3 سم-دەن كەم ەمەس.
سوڭعى جىلدارى «جاسىل اۋلا» اكسياسى اياسىندا 20 مىڭنان استام كوشەت وتىرعىزىلدى، بۇل قالانى جاسىل ءارى ءومىر سۇرۋگە قولايلى ەتەدى.