بىلتىر 117 ميلليون توننادان استام قاتتى وتىن وندىرىلسە، ونىڭ 33 ميلليونعا جۋىق تونناسى ەكسپورتتالدى، دەپ حابارلايدى Almaty-akshamy.kz «حابار 24»-كە سىلتەمە جاساپ.
وتاندىق ساراپشىلار، ەۋروپالىق وداقتاعى ەلدەرگە كومىر جەتكىزۋ بويىنشا ءبىراز ماسەلەنىڭ ءالى دە شەشىلمەي جاتقانىن ايتادى. كورشى ەلگە سالىنعان شەكتەۋلەردەن كەيىن قارت كاسپيي ارقىلى بايلانىس كۇشەيگەن. دەگەنمەن لوگيستيكا جاعى ۇلكەن شىعىن دەيدى. ايتا كەتەيىك، ەكىباستۇزدا 3 جاڭا ەنەرگوبلوكتىڭ قۇرىلىسى باستالعان. 2028 جىلدان باستاپ كوكشەتاۋ مەن سەمەي قالالارىندا جىلۋ ەلەكتر ورتالىعى ىسكە قوسىلماق. جالپى بىزدەگى كومىر قورىنىڭ كولەمى – 34 ميلليارد توننا. بۇل – 300 جىلعا جەتەتىن قور.
- گەوساياسي جاعدايعا بايلانىستى كومىرگە سۇرانىس كوبەيدى. شۆەيساريا مەن گەرمانيا دەيمىز، ەۋروپالىق وداقتىڭ ءوزى بىزدەن كومىر الادى. باعاسى وتە جوعارى. تاريف ماسەلەسى. ءبىز كومىردى جەرگىلىكتى حالىققا ارزان باعامەن ساتامىز. ءبىراق جىل سايىن قىمباتتاپ بارادى. ەلەكتر ەنەرگيا. ديستوپەر دەيمىز، 2 ەسە، 3 ەسە قىمباتتايدى،-دەيدى رەسپۋبليكالىق تاۋ-كەن وندىرۋشىلەر قاۋىمداستىعى اتقارۋشى ديرەكتورىنىڭ ءبىرىنشى ورىنباسارى تولەگەن مۇقانوۆ.