«جۇلدىزاي» بالالار شىعارماشىلىعىنىڭ 18ء-شى فەستيۆالى اياقتالدى، دەپ حابارلايدى Almaty-akshamy.kz.
«حابار 24» مالىمەتى بويىنشا بۇگىن استانادا گالا-كونسەرت ءوتىپ، گران-پري يەگەرى انىقتالدى. «جۇلدىزاي» – ەرەكشە بالالارعا ارنالعان فەستيۆال. جىل سايىن ءوتىپ تۇرادى. بيىلعى بايقاۋ ناۋرىزدا باستالعان. ءسويتىپ، ىرىكتەۋدەن رەسپۋبليكالىق كەزەڭگە 550 ءوتىنىش قابىلداندى. بالالار فەستيۆالى 4 اتالىم بويىنشا ءوتتى. بۇل – ۆوكال، حورەوگرافيا، اسپاپتا ويناۋ جانە ءاندى ىم-يشاراتپەن ورىنداۋ. مىنە، وسى رەسپۋبليكالىق سىننان سۇرىنبەي ءوتىپ، ءبىرىنشى، ەكىنشى جانە ءۇشىنشى ورىن العان 200 لاۋرەات بالالاردى قورعاۋ كۇنىندە استاناداعى گالا-كونسەرتكە ارنايى شاقىرىلدى. «حابار» ارناسىنان 1،5 ساعات بويى تىكەلەي ەفيردە كورسەتىلگەن بايقاۋ سوڭىندا حالىقتىڭ داۋىس بەرۋىمەن گران-پري يەگەرى انىقتالدى.
- جىگەرلەنىپ، ساحناعا شىعىپ، ۇلكەن ەسترادا انشىلەرىمەن بىردەي پارا-پار ءانىن ايتىپ شىقتى. ءبارىڭىز كۋا بولدىڭىزدار. جاڭا ايتىپ جاتىر، ءبىزدىڭ جەڭىمپاز – اتىراۋ وبلىسىنىڭ اقەركە دەگەن قىزى. دومبىرامەن سۇيەمەلدەگەن ءاندى ايتتى. داۋىسى كەرەمەت. ول قىز «بۇگىن وز-وزىمە دەگەن سەنىم پايدا بولدى، ەندى مەن قازاقستان داۋىسىنا قاتىسامىن» دەپ جاتىر. بۇل ءبىز ءۇشىن – ۇلكەن جەتىستىك. ءبىزدىڭ ماقساتىمىز – سول. بالالاردىڭ جۇلدىزىن جاعۋ، دەدى «جۇلدىزاي» قايىرىمدىلىق قورىنىڭ اقپارات مەنەدجەرى اسەمگۇل مىرزامبەت.