ق ر پرەمەر-مينيسترى ءاليحان سمايىلوۆ «اتامەكەن» ۇكپ قولداۋىمەن ورتا بيزنەس وكىلدەرىمەن كەزەكتى كەزدەسۋ وتكىزدى، دەپ حابارلايدى Almaty-akshamy.kz.
1 ماۋسىمدا وتكەن شاراعا اتىراۋ، اقتوبە، باتىس قازاقستان، ماڭعىستاۋ جانە قىزىلوردا وبلىستارىنىڭ كاسىپكەرلەرى قاتىستى.
ۇكىمەت باسشىسى سوڭعى ءۇش جىلدا وسى وبلىستاردا 59 مىڭنان استام بيزنەس جوباسى مەملەكەتتىك قولداۋ شارالارىمەن قامتىلعانىن اتاپ ءوتتى.
اتاپ ايتقاندا، 1،5 ترلن تەڭگەگە 28 مىڭ جوبانىڭ سىياقى مولشەرلەمەسى سۋبسيديالاندى. ونىڭ ىشىندە ورتا بيزنەستىڭ جالپى سوماسى 406 ملرد تەڭگە بولاتىن 2،5 مىڭنان استام جوباسى قولداۋ تاپتى.
سونىمەن قاتار 12 مىڭ سۋبەكتىگە 487 ملرد تەڭگەگە جەڭىلدىكپەن قارجىلاندىرۋ ۇسىنىلدى، ونىڭ ىشىندە 102 ملرد تەڭگەگە 167 ورتا بيزنەس وكىلدەرىنىڭ جوبالارى قارجىلاندىرىلدى.
كەزدەسۋ بارىسىندا كاسىپكەرلەر بالىق سالاسىن دامىتۋدىڭ، اتاپ ايتقاندا، جابدىقتاردى جاڭارتۋ، ينفراقۇرىلىمدى جاڭعىرتۋ، وزىق ستاندارتتار ەنگىزۋ جانە ءونىم ەكسپورتى، مۇناي-گاز ماشينا جاساۋ سالاسىنداعى يمپورتتى الماستىرۋ، مۇناي سەرۆيسىن قولداۋ، باتىس وڭىرلەردىڭ كولىك-لوگيستيكالىق مۇمكىندىكتەرىن كەڭەيتۋ، سالىق سالۋ جانە باسقا دا ءبىرقاتار وزەكتى ماسەلەنى كوتەردى.
پرەمەر-مينيستر بۇگىنگى تاڭدا قازاقستانداعى ينۆەستورلار ءۇشىن مەملەكەتتەن قولداۋ مەن پرەفەرەنسيالار الۋدىڭ ءبىرقاتار تەتىگى جۇمىس ىستەيتىنىن اتاپ ءوتتى. اتاپ ايتقاندا، مۇنداي جەڭىلدىكتەر ارنايى ەكونوميكالىق ايماقتاردىڭ قاتىسۋشىلارىنا جانە ينۆەستيسيالار تۋرالى كەلىسىم اياسىندا كوزدەلگەن.
بارلىق كوتەرىلگەن ماسەلە بويىنشا ورتالىق مەملەكەتتىك ورگانداردىڭ، ۇلتتىق كومپانيالاردىڭ، وبلىس اكىمدىكتەرىنىڭ باسشىلارى جاۋاپ بەرىپ، پروبلەمالىق ماسەلەلەردى باقىلاۋعا الدى.
ۇكىمەت باسشىسى وڭىرلەردىڭ اكىمدىكتەرى ينفراقۇرىلىم جۇرگىزۋ، جەر ۋچاسكەلەرىن ءبولۋ جانە ولاردىڭ قۇزىرەتىنە كىرەتىن باسقا دا ماسەلەلەر بويىنشا كورسەتىلەتىن قولداۋ دەڭگەيىن ارتتىرۋى قاجەت ەكەنىن ايتتى. وڭىرلىك دامۋ ينستيتۋتتارى دا ورتا بيزنەسپەن ىنتىماقتاستىقتى كەڭەيتۋى كەرەك.
«ءار اكىمدىك الاڭىندا كاسىپكەرلەردىڭ ماسەلەلەرىن شەشۋ بويىنشا جۇيەلى كەزدەسۋلەر وتكىزۋ قاجەت. بيزنەس مەملەكەتتىك باسقارۋدىڭ بارلىق دەڭگەيىندە قولداۋدى سەزىنۋى كەرەك»، — دەدى ءاليحان سمايىلوۆ.