2024 جىلعى 19 قاراشا كۇنى ماسكەۋدە كولىك اپتالىعى اياسىندا قازاقستان رەسپۋبليكاسىنىڭ كولىك ۆيسە-مينيسترى تالعات تىلەۋبەك ۇلى لاستايەۆ وڭىرلىك جانە حالىقارالىق كولىك ىنتىماقتاستىعىن دامىتۋعا باعىتتالعان ءبىرقاتار نەگىزگى ءىس-شاراعا قاتىستى، دەپ حابارلايدى aqshamnews.kz.
كولىك مينيسترلىگىنىڭ مالىمەتىنشە، «تمد پليۋس «كولىك ىنتىماقتاستىعى: ءوزارا بايلانىس، تۇراقتىلىق، تيىمدىلىك» پلەنارلىق تالقىلاۋ اياسىندا تمد مەملەكەتتەرى مەن كورشىلەس وڭىرلەر اراسىنداعى كولىك بايلانىستارىن نىعايتۋدىڭ نەگىزگى ماسەلەلەرى تالقىلاندى.
تالعات لاستايەۆ سوزىندە جۇك تاسىمالداۋ كولەمىن ۇلعايتۋعا، ەلدەردىڭ ترانزيتتىك الەۋەتىن دامىتۋعا جانە ەكونوميكالىق ينتەگراسيانى تەرەڭدەتۋگە ىقپال ەتەتىن تۇراقتى جانە ءتيىمدى كولىك جۇيەسىن قالىپتاستىرۋ ماڭىزدى ەكەنىن اتاپ ءوتتى.
تمد-عا قاتىسۋشى مەملەكەتتەردىڭ ۇيلەستىرۋ كولىك كەڭەسىنىڭ (ۇكك) 44ء-شى وتىرىسىندا حالىقارالىق لوگيستيكانى دامىتۋعا اتسالىسۋ، كولىك سالاسىن سيفرلاندىرۋ، جولاۋشىلار تاسىمالى پەرسپەكتيۆالارى، تمد ەلدەرى اراسىنداعى ودان ءارى ىنتىماقتاستىق ماسەلەلەرى قارالدى.
جيىنداعى نەگىزگى ماسەلە — تمد-عا قاتىسۋشى-مەملەكەتتەردىڭ كولىك ۇيلەستىرۋ كەڭەسىنىڭ (كۇك) وكىلەتىن كەڭەيتۋ.
بۇدان باسقا، ۆيسە-مينيستر ەاەو-عا مۇشە-مەملەكەتتەردىڭ كولىك سالاسىنداعى ۋاكىلەتتى ورگاندارى باسشىلارى كەڭەسىنىڭ 8ء-شى وتىرىسىنا قاتىستى. قاتىسۋشىلار وداقتىڭ كولىك ساياساتىن ىسكە اسىرۋدىڭ نەگىزگى باعىتتارى مەن كەزەڭدەرىن، سونىڭ ىشىندە كولىك دالىزدەرىن دامىتۋدى، ينفراقۇرىلىم جوبالاردى ىسكە اسىرۋدى، كولىك جانە لوگيستيكا سالاسىنداعى ىنتىماقتاستىقتى تەرەڭدەتۋ جونىندەگى باستامالاردى تالقىلادى.
اتالعان ءىس-شارالار قازاقستان رەسپۋبليكاسىنىڭ ينتەگراسيالىق پروسەستەرىن نىعايتۋعا جانە كولىك سالاسىنداعى ءوزارا ءتيىمدى ىنتىماقتاستىقتى دامىتۋعا مۇددەلى ەكەنىن كورسەتتى. قازاقستان ءوڭىردىڭ ورنىقتى ەكونوميكالىق وسۋىنە ىقپال ەتەتىن ءبىرىڭعاي كولىك كەڭىستىگىن قۇرۋعا باعىتتالعان ستراتەگيالىق جوبالاردى ىسكە اسىرۋعا بەلسەندى قاتىسۋدى جالعاستىرادى.