ويىن بارىسىندا قازاقستان قۇراماسى جيناقى قيمىل كورسەتتى
كوگالداعى حوككەيدەن قازاقستان ايەلدەر قۇراماسى ازيا ويىندارىنا ىرىكتەۋ ساتىسىندا ءۇشىنشى مارتە جەڭىسكە جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل جولى قازاقستاندىق حوككەيشىلەر كامبودجامەن شەبەرلىك بايقاستى. ويىن بارىسىندا قازاقستان قۇراماسى جيناقى قيمىل كورسەتتى. ناتيجەسىندە ءبىرىنشى كەزەڭدە قارسىلاسىن 4:0 ەسەبىمەن ءسۇرىندىردى.
ەكىنشى كەزەڭدە دە ويىن قارقىنى باسەڭدەگەن جوق. قازاقستاندىق حوككەيشىلەر باسىمدىعىن ارتتىرا ءتۇستى. كەزدەسۋ قازاقستاندىقتاردىڭ باسىمدىعىمەن 9:0 ەسەبىمەن اياقتالدى.
ەسكە سالساق، بۇدان بۇرىن يندونەزيانى 1:0، وزبەكستاندى 2:0 ەسەبىمەن جەڭگەن بولاتىن.
ەل قۇراماسى ىرىكتەۋ كەزەڭىندە وزبەكستان، يندونەزيا، گونكونگ، شري-لانكا، كامبودجا جانە سينگاپۋرمەن شەبەرلىك بايقاسادى.
ەلىمىزدىڭ ايەلدەر قۇراماسى ازيا ويىندارى فينالدىق ساتىسىندا ءتورت مارتە قاتىستى.
1998، 2014 جىلداردا 6-ورىن السا، 2010 جىلى - 7، 2018 جىلى 10-ورىندى مىسە تۇتتى.