جاستار تازا ەلدى قولدايدى.
قازاقستان ۇكىمەتى جاستار اراسىندا ەكولوگيالىق مادەنيەتتى نىعايتۋدى كوزدەپ وتىر. وسى ماقساتتا ءتۇرلى جوبالار ىسكە اسىرىپلىپ جاتىر، دەپ حابارلايدى Almaty-akshamy.kz.
«ق ر اقدم قولداۋىمەن ««جاس ۇلان» ءبىرىڭعاي بالالار مەن جاسوسپىرىمدەر ۇيىمى» رەسپۋبليكالىق قوعامدىق بىرلەستىگى، جاستار اراسىندا ەكولوگيالىق مادەنيەتتى نىعايتۋعا باعىتتالعان ءتۇرلى الەۋمەتتىك جوبالاردى ىسكە اسىرۋدا»، - دەلىنگەن اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
ەكولوگيالىق ويلاۋدى دامىتۋ جانە «جاسىل» تاجىريبەنى ەنگىزۋ تۋرالى جوبالار جونىندە «جاس ۇلان» ءتورايىمى دينارا ءسادۋاقاسوۆا ايتىپ بەردى.
«جوبانىڭ ماقساتى – مەكتەپتەر مەن جوعارى وقۋ ورىندارىندا وسكەلەڭ ۇرپاققا ەكولوگيالىق تاربيە بەرۋ. قازىرگى تاڭدا ەكولوگيالىق قاعيدالاردى ۇستانۋ ترەندكە، سانگە اينالۋدا. ءۇش جىل بۇرىن «ەكوبەلسەندى» نەمەسە «ەكولوگيست» سياقتى ۇعىمداردى ەشكىم قولدانعان جوق. ال ءقازىر ادامدار وزدەرىن «ەكوەرىكتى» نەمەسە «ەكوبەلسەندى» رەتىندە ماقتانىشپەن تانىستىرادى. ماسەلەن، وتكەن جىلى ءبىز ەكواكتيۆيستەردىڭ كۇشىمەن رەسپۋبليكانىڭ بارلىق وڭىرلەرىندە «ەستەلىك باعى»، «تازا وزەندەر، كولدەر مەن توعاندار»، «تازا ساياباقتار»، «ءوز اعاشىڭدى وتىرعىز» اكسيالارىن ۇيىمداستىردىق. وعان 100 مىڭنان استام ادام قاتىستى»، - دەدى دينارا ءسادۋاقاسوۆا.
بۇدان بولەك، ق ر اقدم باستاماسىمەن اكىمدىكتەر، «جاس ۇلان» ۇيىمى، ولاردىڭ وڭىرلىك فيليالدارى، ەكوۆولونتەرلەر جانە جاستار بەلسەندىلەرى بىرلەسىپ، اقتوبە، قىزىلوردا، اقمولا، الماتى، قاراعاندى، ماڭعىستاۋ، تۇركىستان وبلىستارىندا «كيەلى تابيعات» رەسپۋبليكالىق ەكولوگيالىق ايلىعى اياسىندا، جالپى سانى 80 مىڭنان استام ادام قاتىسقان «تازا ساياباقتار» اكسياسى جۇزەگە اسىرىلدى.
سونىمەن قاتار، ەكوسوفيا قاعيداتتارىنا نەگىزدەلگەن ەكولوگيالىق ەتيكا مەن مادەنيەتتى قالىپتاستىرۋ باعىتىندا مەملەكەتتىك – قازاق تىلىندە، جانە ورىس تىلىندە «تۇرمىستىق قاتتى قالدىقتاردى بولەك جيناۋ»، «ەكوپيكنيك»، «تاڭبالاۋ»، «ەكولوگيالىق ءومىردىڭ 6 ەرەجەسى»، «كومپوستتاۋ» تاقىرىپتارىنداعى ونلاين-بەينەكۋرستار ازىرلەندى.
بۇعان قوسا، جوبا ۇيىمداستىرۋشىلارى «ەكو-اسار» ەكولوگيالىق مارافونىن دا وتكىزدى. مارافوننىڭ ماقساتى – ەلدەگى تقق بولەك جيناۋدىڭ ەكولوگيالىق مادەنيەتى دەڭگەيىن ارتتىرۋ، وڭىرلەردەگى الەۋمەتتىك باستامالاردى قولداۋ.
وسى ورايدا، ءار ايماقتا ەكواعارتۋشىلىق قوزعالىستار قۇرىلىپ، ولاردىڭ اياسىندا رەسپۋبليكانىڭ تۇكپىر-تۇكپىرىنەن 1000 استام ەكوبەلسەندى ءبىلىم الدى. بۇل كۋرستارعا ارنايى سەرتيفيكاتتارى بار ەكوجاتتىقتىرۋشىلار، تاجىريبەلى ەكوبەلسەندىلەر جانە ەلدەگى ەكولوگيالىق قوزعالىستىڭ كوشباسشىلارى تارتىلدى.
