ءماجىلىستىڭ جالپى وتىرىسى دۇيسەنبى كۇنى وتەدى.
14 ناۋرىز قازاقستاننىڭ باس پروكۋرورى بەرىك اسىلوۆ ءماجىلىس وتىرىسىنا قاتىسىپ، دەپۋتاتتاردىڭ قاڭتار وقيعاسىن تەرگەۋگە قاتىستى سۇراقتارىنا جاۋاپ بەرەدى، دەپ حابارلايدى Almaty-akshamy.kz
بۇگىن وتكەن بيۋرو وتىرىسىندا 14 ناۋرىزدا وتەتىن جالپى وتىرىستىڭ كۇن ءتارتىبى جوباسى ناقتىلاندى.
«الداعى جالپى وتىرىستىڭ كۇن ءتارتىبى جوباسىنا «جاڭا قازاقستان» دەپۋتاتتىق توبىنىڭ ساۋالىنا باس پروكۋروردىڭ اۋىزشا جاۋابى تۋرالى ماسەلە ەنگىزىلدى»، - دەلىنگەن حابارلامادا.
بۇعان دەيىن ماجىلىستەگى «جاڭا قازاقستان» توبىنىڭ مۇشەلەرى مەملەكەتتىك ورگان باسشىلارىنان قاڭتارداعى جاپپاي تارتىپسىزدىكتەرگە قاتىستى حالىقتىڭ كوكەيىندە جۇرگەن ساۋالدارعا اشىق جاۋاپ بەرۋدى تالاپ ەتتى. دەپۋتاتتاردىڭ ايتۋىنشا، قاڭتار وقيعاسىنان كەيىن ەكى اي وتسە دە، قازاقستاندىقتار نەگىزگى سۇراقتارعا جاۋاپ الا الماي وتىر.