تاۋەلسىزدىك تاقىرىبىندا بايانداما جاسالدى
قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ قارساڭىندا «جاستار» عىلىمي-زەرتتەۋ ورتالىعى ق ر اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ قولداۋىمەن ساراپشىلار قوعامداستىعى ءۇشىن «قازاقستان جاستارى – 2021: تاۋەلسىزدىككە – 30 جىل» ۇلتتىق بايانداماسىنىڭ پرەزەنتاسياسىن وتكىزدى، دەپ حابارلايدى Almaty-akshamy.kz
اقپارات جانە قوعامدىق دامۋ ۆيسە-مينيسترى اسقار ۋماروۆ «جاستاردى قولداۋ ەلىمىزدەگى مەملەكەتتىك ساياساتىنىڭ ستراتەگيالىق باعىتتارىنىڭ ءبىرى سانالادى، سوندىقتان 2021 جىلعى ۇلتتىق باياندامادا قازاقستان رەسپۋبليكاسى تاۋەلسىزدىگىنىڭ 30 جىلى ىشىندەگى جەتىستىكتەر، ءساتتى قادامدار مەن جاستاردىڭ وزەكتى ماسەلەلەرى سياقتى جاستار ساياساتىنىڭ دامۋ ديناميكاسى مەن ۇردىستەرىن تالداۋ ماڭىزدى بولدى. تالداۋ قورىتىندىسى بويىنشا، جاستار سالاسىن ودان ءارى جۇيەلى ءارى كەشەندى دامىتۋ بويىنشا مەملەكەتتىك جانە ازاماتتىق سەكتور ءۇشىن ۇسىنىمدار ازىرلەندى»، - دەپ ايتىپ ءوتتى.
«جاستار» عىلىمي-زەرتتەۋ ورتالىعىنىڭ ديرەكتورى ايان ساكوشيەۆ جاستار ورتاسىنداعى ماڭىزدى وزگەرىستەر مەن اكتۋال ترەندتەرگە نازار اۋداردى. ول دەموگرافيا، دەنساۋلىق، ءبىلىم جانە عىلىم سياقتى جاستار دامۋىنىڭ ماڭىزدى الەۋمەتتىك پارامەترلەرى تۋرالى ەگجەي-تەگجەيلى حاباردار ەتىپ، جاس قازاقستاندىقتىڭ بەينەسىن، تاۋەلسىزدىك ۇرپاعىنىڭ پورترەتىن جانە جاستاردىڭ تاۋەلسىزدىككە دەگەن كوزقاراسىن تانىستىردى.
باياندامانى دايىنداۋ بارىسىندا مەملەكەتتىك ورگانداردىڭ، حالىقارالىق ۇيىمداردىڭ، زەرتتەۋ ينستيتۋتتارىنىڭ اكتۋال ستاتيستيكالىق جانە اناليتيكالىق دەرەكتەرى قولدانىلدى.
2021 جىلى «جاستار» عىلىمي-زەرتتەۋ ورتالىعى جۇرگىزگەن الەۋمەتتانۋ زەرتتەۋلەرىنىڭ ناتيجەلەرى قازاقستاندىق جاستاردىڭ الەۋمەتتىك كوڭىل-كۇيىن تالداۋ كەزىندە بازالىق نەگىزگە اينالدى.
«قازاقستان جاستارى – 2021: تاۋەلسىزدىككە – 30 جىل» ۇلتتىق بايانداماسىن ازىرلەۋگە قاتىسقان اۆتورلار ۇجىمى جاستاردىڭ ەكونوميكالىق مىنەز-قۇلقى، ازاماتتىق جانە ساياسي قاتىسۋى، قۇندىلىق باعىتتارى تۋرالى ايتىپ بەردى.
قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى دانا ءاشىمحانوۆا بۇگىنگى تاڭدا قازاقستاندىق جاستاردىڭ ەرەكشەلىگى قۇندىلىق باعدارلارىنىڭ وزىندىك سيمبيوزىندا، اتاپ ايتقاندا، ءداستۇرلى جانە زاماناۋي كوزقاراستاردىڭ توعىسۋى مەن قاباتتاسۋىندا ەكەنىن اتاپ ءوتتى. بۇل رەتتە قازاقستاندىق جاستارعا جوعارى موبيلدىك، ديدجيتالدانۋ، سيفرلاندىرۋ سياقتى الەمدىك ترەندتەر ءتان.
س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ پروفەسسورى اسلان ازەربايەۆ جاستاردىڭ باسىم بولىگى ءۇشىن تۇراقتى جۇمىس ىستەۋ سەنىمدىلىك پەن دامۋ مۇمكىندىگىنىڭ شارتى ەكەنىن اتاپ ءوتتى. جاستار اراسىندا تابىسقا جەتۋ تۇجىرىمداماسى مانساپ ساتىسىمەن جىلدام العا جىلجۋدى جانە قولايلى تابىستى بىلدىرەدى.
ۇلتتىق بايانداما بويىنشا ساراپتامالىق باعاسىن پارلامەنت ءماجىلىسىنىڭ دەپۋتاتتارى يۋليا كۋچينسكايا مەن ەلنۇر بەيسەنبايەۆ، سونداي-اق «رۋحاني جاڭعىرۋ» ورتالىعىنىڭ باسشىسى جانار بۇقانوۆا دا ءبىلدىردى.
جالپى، وتاندىق جانە حالىقارالىق ساراپشىلار جاستار ورتاسىندا بولىپ جاتقان ۇدەرىستەرگە تەرەڭ زەرتتەۋلەر جۇرگىزۋدىڭ، جاستاردىڭ الەۋمەتتىك كوڭىل-كۇيىنە تۇراقتى مونيتورينگ جۇرگىزۋدىڭ ماڭىزدىلىعى مەن قاجەتتىلىگىن اتاپ ءوتىپ، «قازاقستان جاستارى» ۇلتتىق بايانداماسى قازاقستان جاستارىنىڭ ونىڭ تىنىس-تىرشىلىگىنىڭ نەگىزگى سالالارىنداعى جاعدايىنا جان-جاقتى تالداۋ جاسالاتىن نەگىزگى عىلىمي قۇجات ەكەنىنە سەنىم ءبىلدىردى.
ءىس-شارا سانيتارلىق-ەپيدەميولوگيا نورمالارىن ساقتاي وتىرىپ، ونلاين جانە وفلاين فورماتتا ءوتتى.