ەلوردادا جوق پاتەرلەردى جالعا بەرىپ كەلگەن الماتىلىق الاياق ۇستالدى

ينتەرنەت-الاياق نۇر-سۇلتاندا جوق پاتەرلەردى جالعا بەرۋمەن اينالىسقان

كيبەرقىلمىستىڭ الدىن الۋ جانە وعان قارسى تۇرۋ ماقساتىندا ەلوردا اۋماعىندا «Hi-Tech» اتتى جەدەل الدىن الۋ ءىس-شاراسى وتكىزىلۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.

ءىس-شارا بارىسىندا العاشقى كۇننىڭ وزىندە كريمينالدىق پوليسيا قىزمەتكەرلەرى 14 كيبەرقىلمىستى اشتى جانە 5 ادامدى ۇستادى.

ماسەلەن، الماتى قالاسىنىڭ تۇرعىنى ءبىر اي بويى ۇيدە وتىرىپ، ينتەرنەت ارقىلى نۇر-سۇلتانداعى پاتەردى جالعا بەرۋمەن اينالىسقان. ەلوردانىڭ 25 تۇرعىنى جالعان حابارلامانىڭ قۇربانى بولعان. جابىرلەنۋشىلەر جالعا بەرۋشىنىڭ ءوتىنىشى بويىنشا كەپىلاقىنى الدىن الا ەلەكتروندى تۇردە اۋدارىپ، كەيىن پاتەردى كورەتىن بولعان. الايدا پاتەردى كورۋگە كەلگەندە عانا الاياقتىققا تاپ بولعاندارىن تۇسىنگەن.

بارلىق فاكتىلەرگە سايكەس، ق ر قك-نىڭ 190-بابى (الاياقتىق) بويىنشا قىلمىستىق ءىس قوزعالدى. سونداي-اق، كۇدىكتى 400 000 تەڭگەنى قولما-قول اقشاعا اينالدىرىپ، ءوز قاجەتىنە جۇمساعانى بەلگىلى بولدى. ەلوردالىق پوليسيا قىزمەتكەرلەرى قىلمىستى اشۋمەن قاتار اكىمدىكپەن، ەرىكتىلەرمەن بىرلەسىپ، پروفيلاكتيكالىق ءىس-شارالار جۇرگىزۋدە.

ادامدار كوپ جينالاتىن ورىنداردا ينتەرنەت-الاياقتىقتىڭ الدىن الۋ بويىنشا ءاقپاراتتىق-تۇسىندىرۋ ماتەريالدارىن تاراتىپ، اكسيالار وتكىزۋدە. LED-ەكرانداردا كيبەرالاياقتىقتىڭ ەڭ ءجيى كەزدەسەتىن تۇرلەرى تۋرالى بەينەروليكتەر ورنالاستىرىلعان.