شىمكەنتتە تەننيستەن الەم چەمپيوناتى ءوتىپ جاتىر.
شىمكەنت قالاسىندا 16 جاسقا دەيىنگىلەر اراسىندا ازيا – تىنىق مۇحيت ايماعى بويىنشا الەم چەمپيوناتىنىڭ ىرىكتەۋ ءتۋرنيرى باستالدى، دەپ حابارلايدى اlmaty-akshamy.kz.
جارىستىڭ العاشقى كۇنى قازاقستان قىزدار كومانداسى ۆ توبىندا ۆەتنام قۇراماسىن 3:0 ەسەبىمەن ۇتتى.
ءبىرىنشى ويىندا اريانا گوگۋلينا نگۋەندى 6:1، 6:0 ەسەبىمەن تىزە بۇكتىردى. پولينا سلەپسوۆا نگونى 6:1، 6:3 ەسەبىمەن ۇتتى. جۇپتىق سىندا ا.گوگۋلينا اناستاسيا كرىموۆامەن بىرگە ءاپالى-سىڭلىلى نگولاردان 6:3، 6:0 ەسەبىمەن باسىم ءتۇستى.
وسىلايشا، ياروسلاۆا شۆەدوۆانىڭ شاكىرتتەرى ءوز توبىندا كوش باستادى. ەرتەڭ قازاقستاندىق قىزدار يران قۇراماسىمەن سىنعا تۇسەدى.